講定恭喜先得唔得呀？
藝人張繼聰（阿聰）、萬梓良、白只及顏卓靈等，於灣仔出席新片煞科宴。問及其太太謝安琪（Kay）早前被拍得身穿工人褲「肚凸凸」地帶兒子返學，問到Kay是否佗B？阿聰先解釋當日全家出動支持囝囝進行足球校隊選拔，他又笑言近期出街都獲街坊送上恭喜，惟目前冇事要宣布。
問是否太太懷孕未夠三個月而「唔講得」？阿聰就大賣關子僅透露全家都好開心：「唔講得就真係唔講多謝祝福，我太太同家人全部都好開心，有嘢可以講就講。」記者笑言Kay是否只是增磅而有「肚腩」？阿聰即肉麻出言冧太太：「作為老公睇唔到呢樣嘢，我老婆咁正！我都有問佢放假覺得點？佢覺得每日都好爽朗，又食又旅行。（你暗示對方掛住食，keep得唔好？）佢好健康，都係咁上吓高質素。」問到與太太有否生B計劃？他說：「有就會迎接，我哋有plan，我都鍾意細路仔，如果真係有一定同大家公布。」
來源 source: http://hk.on.cc
|
鍾意就快D Share啦！
|
|
|
