31歲張致恒（Steven）被《東網》踢爆背住35E巨胸女友莊端兒(Xenia)「偷食」，暗溝台妹Doris。形象「破產」的Steven，傍晚時份現身無綫電視城為節目《你健康嗎？》錄影，面對傳媒追問偷食一事，Steven繼續勇於承認錯失，更多番向前度女友莊端兒認錯講「對唔住」，前前後後一共講咗七次。
自爆背莊端兒偷食有前科
問到報道出街後，情緒是否備受困擾，Steven沒精打采謂：「錯就要認，打就企定。我承認我係做錯咗好多嘢嘅，亦都好對唔住莊端兒，所以...係嘞...分（咗）手。」Steven再坦認曾做過對唔住女友的事，問到是否指「偷食」？他謂：「曾經係試過嘅，我亦都承認嘅，自己做錯過嘅事，係要自己承擔番個責任。（就係呢次同Doris?）呢個係個別事件，喺好耐之前都試過嘅，好彩佢（莊端兒）夠大量，但今次我都原諒唔到自己，係我提出分手，自己都唔識點講，係好對唔住佢。」
直認想尋求醫生協助
問到莊端兒在訪問中爆喊直指對張致恒失望，更冇機會再「翻撻」；Steven得知事件時即眼泛淚光，並苦笑說：「正常啦...我咁做...正常都唔會有女仔覺得我好。（會唔會好後悔？）會，每一次做錯事都有後悔，但每一次我都有做錯事，只能夠講，希望下次唔會。」問到為何「一錯再錯」，問到可會考慮尋求醫生協助，Steven謂：「你咁提議我都有啲想，咁多年好困擾自己呢個問題，希望有一日可能解決到。」
竟話同Doris唔熟
問到事件後有否與Doris聯絡？Steven即答：「冇啦，冇聯絡（佢都嬲埋你？）唔係，係我嬲自己啫。」有指Doris是一個背景富貴的售貨員，曾坦認與對方有親密行為的Steven竟說：「其實我同佢唔係好熟，喺Fb add咗一直冇傾過偈，係fb識嘅一個朋友。（唔知佢背景？）我真係唔知，我真係冇坐過佢架『波子』，亦冇去過我屋企。（只係你去佢屋企？）係，我承認。（係咪你自己控制唔到見一個愛一個？）冇呀，我只能夠講要努力做好自己...唔識講，只識講對唔住，要同莊端兒講對唔住，我浪費咗佢咁多時間。」
忽然多謝無綫
再問可有聯絡莊端兒，Steven謂：「有，我哋一直有傾，知道有啲嘢係好難返到轉頭，亦都係，係啦自己做過嘅事...亦都好多人鬧我，好多人話我..唔識講。」問到有冇諗點挽救自己形象？Steven說：「唔知呀，睇吓醫生囉，睇吓自己係咪有問題囉，係咪沉溺、上癮，唔知...（外國有案例有啲性上癮事件，你會唔會懷疑自己有呢個問題？）我真係唔知，我會去睇一睇醫生，做番好自己，其實都一直好多嘢做，亦多謝TVB畀咁多機會我拍劇，又做司儀，嚟緊有兩個節目出街，《巨輪2》又做緊。（擔唔擔心影響自己前途同工作？）我係擔心影響到人，因為我自己一定受到影響，我係擔心影響到人，影響到屋企，影響到大家嘅話，我真係要講聲『對唔住』，大家原諒我啦。」
瘋狂講對唔住
記者再追問可會同Doris聯絡或繼續交住？Steven謂：「我做好自己先啦，依家冇心情，咩都冇心情。（Doris有冇搵你？）佢有send嘢過嚟，但我冇覆。（你想同佢告一段落？）我剩係想快啲完咗佢，想專心工作先。（會唔會唔搵佢會快啲停到件事？）都唔關佢事，最主要係自己問題，係要從自己方面着手。（咁會唔會覺得對Doris唔住呢？同佢發生關係，但依家又冇理人？）因為成件事情...總之點都好都係我錯，我剩係想快啲解決件事，完咗件事，對唔住，對唔住...。」
|
鍾意就快D Share啦！
|
|
|