曹永廉希望你願望成真
藝人王君馨近晚上十時現身旺角，買齊蛋糕與燒肉，為開住工過生日的曹永廉送上驚喜！劇集《超時空男臣》演員蕭正楠與田蕊妮等先捉曹永廉在一旁對戲，未幾君馨就拎蛋糕走出來，眾人唱生日歌為阿廉賀壽，蛋糕寫上「六十大壽」，但其實阿廉只是52歲生日，蕭正楠笑謂祝對方「快上」，君馨又將忌廉塗上阿廉的面上，對於驚喜派對阿廉表示十分感動！
君馨匿殘廁
君馨謂其實一早到場，但未見齊人就不敢落車，一直躲在的士裏，她笑謂：「我見差唔多齊人咪落車囉，無啦啦見阿廉經過，就即刻匿埋入殘廁！」又指今日只有她不用開工，故準備食物到場為阿廉慶生。
曹永廉講到明恨攞獎
壽星仔曹永廉表示在開工前有抽時間與家人吃飯，又直指人大了未有特別慶祝。問到有沒有收到禮物？他說：「冇特別，自己都唔係咁着重，叫咗班兄弟送禮或者送利是，我ok架，會收！」又指小朋友都是畫畫送給他，他又透露最近忙於開工少見面，故生日雖然要開工但抽到時間吃飯已十分開心。問到生日願望是甚麼？他說：「希望年尾頒獎典禮有成績（《公公出宮》成績好？）但係年頭播，如果記得嘅，希望大家投我票」
蕭正楠笑執着
而好友蕭正楠亦希望曹永廉今年的頒獎典禮有收獲，問到自己可想奪獎？蕭正楠說：「我自己冇諗喎，佢執着啲，幾十歲人都唔化！」
來源 source: http://hk.on.cc
|
鍾意就快D Share啦！
|
|
|