昨日是何韻詩演唱會尾場，眾所周知其何韻詩一向視已故巨星梅姐梅艷芳為恩師，而何韻詩每一次都會在演唱會中懷念梅姐以謝恩師。而昨日適逢是梅艷芳53歲生忌，何韻詩在演唱會中舞台升上半空，唱《如無意外》時不斷望着天花板，唱完後她說：「今日係……（指一指個天），生日快樂，因為呢個人，所以我踏入呢一片咁神奇嘅地方，呢個我行咗好耐嘅地方，今年係第20年嘅地方，畀咗好多回憶我，亦喺我嘅音樂中紀錄咗好多我嘅成長。啱啱呢首歌……（講唔到落去，口震震，喊）呢首歌係10年前佢啱啱離開嘅時候我寫畀佢嘅一首歌，係我對佢一個小小嘅致敬，佢嘅離開亦都留低少少嘢畀我，佢離開嘅時候我啱啱攞到個盒，我覺得入面係幾深幾重嘅，亦帶住一啲黑暗，呢啲黑暗令我曾經迷惘、迷失過，最後發現盒中裝住嘅嘢係對我之外，亦係對呢個地方嘅一個禮物。」雖然何韻詩並沒有提到梅艷芳的名字，不過完全感受到她對恩師有知遇之恩的謝意。而去到encore時，唱到最後一首《妮歌》時，她又再次表示：「今日係一個特別日子，每次提到呢個人我啲情感就湧上嚟，我覺得我大個女咗，呢首歌特別送畀佢。」除了因為梅艷芳而含淚，何韻詩唱到《是有種人》後向觀眾90度鞠躬，之後就哭着說：「多謝每一位同我哋並肩作戰嘅人，喺呢個場地入面，每一位有情人，係你哋將我帶番嚟呢個舞台，多謝你哋，呢度唔只係一個演唱會，都係我哋咁多人，我同埋呢一個地方，台上、台後、台後、集體贊助嘅每一位、同埋你哋，證明呢一個地方依然有希望。」及後觀眾不斷拍手。
|
鍾意就快D Share啦！
|
|
|
