何韻詩一連4場紅館演唱會嚟到最後一場，佢唱咗一輪歌之後，就開始深情剖白：「衷心多謝啲觀眾，每一位觀眾，尾場喇喎，大家有冇諗住點樣玩呀？係咪想拆咗紅館呀？」搞到班觀眾瘋狂踏地回應，阿詩再話：「雖然唔知我申請紅館佢仲會唔會批畀我，但你哋都留一線啦，今晚拆少少凳先」跟住佢再話：「今朝坐車嚟時，好驚，因為啲朋友成日都懶感性，知道今晚尾場收到一啲朋友send message畀我囉，其中一個叫畢X，佢send message過嚟，（所以我）嚟到嗰時已經變咗豬頭，感動到喊！因為今次真係唔容易先至返番嚟呢個舞台，我決定今晚心散都要唱歌，因為一專心唱歌我就會失控，真係好感恩！」現場有觀眾大嗌「真正香港歌手」，阿詩聽到就再話：「可以喺今日重踏呢個舞台，呢3年嚟我哋都經歷咗好多事情，o依家應該重整再出發，今次個舞台用黑色，主題都係用黑色，因為喺呢個年代、呢個時候，真係好難用歌舞昇平嚟做一個演唱會，但係又唔想太過傷感，其實整個團隊用心收埋咗啲小禮物，希望今晚幾小時就同你哋搵番晒出嚟，其中一樣就係希望你哋搵到番初衷。」 
來源 source: http://s.nextmedia.com
|
鍾意就快D Share啦！
|
|
|
