在日韓，有出租寵物狗讓OL做「週末主人」；在香港，就有豪宅主人租德國大狼狗守屋，犬學堂創辦人鄧曄熙謂，豪宅獨立屋爆竊頻生，導致租用受訓警衛犬看門口需求殷切，過去3個月，學堂每日收到10至15個查詢，數字倍增，現已租出約20隻「工作狼」。這類狗界僱傭兵，只有三餐一宿作酬，既年終無休，又不享法定休息日，但論租金身價，卻分分鐘高過持牌保安員，達1萬至1.6萬元，兼享專人照顧，定時定候「放電」餵食，名符其實人不如狗。記者：呂麗嬋走進位於元朗錦田水尾村的犬學堂，狗聲沸騰，四隻身型巨大的「工作狼」，未到「當更」時間，伏在籠內休息，見陌生的記者內進即狂吠，吠聲震耳欲聾。「佢哋受過訓練，加上狗保衛嘅本性，我哋喺度，唔使驚，吠一陣就停」。長年擔任漁護署犬隻訓練課程導師的鄧曄熙向記者派定心丸。訓狗專家擅長糾正寵物犬不良行為，但原來也有訓練工作犬。他指近半年豪宅爆竊案頻生，造就租狗看門口需求殷切。根據警方最新資料，今年首8個月，住宅爆竊數字共1179宗，較去年同期微跌6.9%，但包括中半山豪宅區的中區警區，收到的爆竊呈報，較去年同期勁升7成2，共有31宗。紀錄顯示，滙豐銀行亞太區副主席王冬勝位於山頂中峽道的「大班屋」，「富豪飯堂」福臨門「七哥」的山頂豪宅，亦先後遇劫。單淺水灣道的獨立屋，更一個月內三度被賊人光顧，包括鄭裕彤家族的豪宅及賭王何鴻燊的四太梁安琪的獨立屋。而最新受害者，是港交所行政總裁李小加，其赤柱大潭道大宅上週被兩賊人潛入。富豪大宅要加強保安，受嚴格訓練的護衛犬頓成新貴。「好多人養狗鍾意由BB養起，但近排就多咗人搵受訓嘅成犬，講到明可以即時到位看門口，亦多咗好多人查詢租狗。住得呢類山頂豪宅，唔會無錢買隻狼狗返屋企，但買狗要照顧佢生老病死，有啲人覺得租狗乾手淨腳，唔使照顧，隻狗唔舒服，我哋兩小時內要送隻健康狗過去，俗稱頂更」。犬學堂現時共有近30隻德國狼，其中三分之二已租出，餘下的則住在犬舍有專人照顧，以備「頂更」。這類狗界僱傭兵，只有三餐一宿作酬，但租金身價，卻分分鐘高過以最低工資計算的持牌保安員。鄧曄熙表示，租用工作狼，分「月租包養」和「月租只過夜當更巡邏」兩種，前者收費約1萬元，後者約1.6萬元。「工作狼嘅性格穩定，警覺性高，狗嘅視覺同聽覺，夜晚會敏感一倍，有啲人唔想日頭隻狗留喺間屋，怕有狗味或者唔想特別搵個工人照顧隻狗，就要求日間放喺我哋狗舍代照顧，寧願俾多啲錢，每晚7點先送過去。」晚上由保安員拖着通宵行咇，或是放養在花園通宵執勤。鄧曄熙笑謂，一般人可能覺得萬多元租隻狗看門口很貴，但對於富貴人家，財物保障才是重中之重。他拒透露顧客資料，表示有時更要簽保密協議，不能披露保安措施，「一般而言，我哋會先到租客住所實地視察，而負責照顧嘅工人或保安亦要接受培訓，學習發號指令及照顧等」。他說：「試過有啲豪門別墅，單個花園已經3至4萬呎，行一個圓周已經好遠，只用一隻狗巡邏根本唔夠，我建議至少要2隻甚至3隻」。另外，「狗更亭」的位置亦有學問，「背住個山嗰啲位最危險，通常喺嗰度安放狗屋，但如果太曬又唔適宜，呢啲都真係要去到現場睇先得。」
|
鍾意就快D Share啦！
|
|
|