「樣唔緊要，最重要係億萬富翁」 JW遭舊愛針對 貪錢戀闊少
王灝兒（JW）入行6年緋聞不多，最近爆出與市值12億的卓悅太子爺Tarzan Ip拍拖，繼有讀者報料指Tarzan為人風流兼愛炫富，JW亦被指為錢飛起拍拖兩年的Mark Ngai。Mark則在社交網借用《美女與野獸》圖片貼文，矛頭直指JW。不過，本報獲悉JW與Mark兩年前已分手，被屈為錢移情，JW昨說：「唔回應喇！總之識我嘅人都知我係點！」
【舊愛Mark】■JW向來低調處理感情事，有指她於兩年前因不滿Mark花弗而決心分手。互聯網圖片
歌手JW去年12月被爆有位拍拖兩年、外公是關之琳前夫王國旌的男友Mark Ngai，惟JW一直未有承認戀情，除希望低調處理感情事外，原來還有另一個原因，就是她與Mark早已分手，但再見亦是朋友，二人不時相約大班共同朋友聚會，兩個月前JW開騷，Mark更落力在社交網助她宣傳，儼如男主人。
■Mark日前借用《美女與野獸》暗寸JW為錢移情：「無論你個樣係點，唔重要，最重要你係億萬富翁！」
■Mark經常在社交平台晒腹肌，對自己的身形頗有自信。
引用美女與野獸惟近日JW與闊少Tarzan戀情曝光後，Mark曾在Instagram貼文：「唔應該對放棄你嘅人感到傷心！」然後又說：「雖然喺『你』面前，我不值一文，但將來有一日，『你』會明白，我對其他人會變得冇價。」Mark更轉貼《美女與野獸》的圖片，並有一段英文留言，意思是：「《美女與野獸》呢個故事，教曉我哋一樣嘢，就係無論你個樣係點，唔重要，最重要你係億萬富翁！」似暗寸有人貪錢戀闊少！
【新歡Tarzan】■JW前日入馬場陪男友Tarzan，離開時找兩友人掩護。DV圖片
■JW與Tarzan離開馬場後，座駕直駛加多利山。
■JW前晚在Ig貼與曹星如的合照，原來她到會展睇拳賽。
不過，Mark前晚將所有相關貼文刪除，包括JW與Tarzan拍拖消息曝光當日，他在facebook寫：「得朋友，夠啦，唔需要再話我知佢變咗，同埋傳關於佢嘅嘢畀我睇，我已經知道」至於被指為錢移情，JW昨在電話中坦言不想再回應感情事：「多謝大家嘅關心，但我真係唔想再講喇。」然後再說：「唔回應喇，總之識我嘅人都知我係點！」
■Mark外公王國旌與關之琳在81年閃婚，9個月後離婚。
■JW與Mark拍拖時，出席過男方的家庭聚會。
不滿Mark狂媾女據知，JW與Mark拍拖兩年期間不止一次分手，主因是JW不滿Mark經常夜蒲媾女，但JW每次都被口甜舌滑的Ｍark𠱁掂復合，直至約兩年前，JW決心與Mark終極分手。知情人向本報爆料：「佢哋嗰時拍拖經常離離合合，主要係JW忍受唔到Mark經常夜蒲媾女，完全當佢冇到，因為唔想再傷心，所以提出分手。」至於Mark早前落力為JW宣傳演唱會，態度突然有所改變，知情者說：「因為佢以前次次都𠱁得番JW，可能以為今次都一樣，到JW演唱會嗰日先知Tarzan嘅存在，所以唔甘心！」
採訪、攝影：朱志聰、黃曉程、小米
|
鍾意就快D Share啦！
|
|
|