鄭嘉穎今日出席活動，曹敏莉一見到佢就話：「幾時要恭喜你啊？」鄭嘉穎就話要恭喜咗曹敏莉先，訪問嘅時候，問到幾時要恭喜鄭嘉穎，佢就話：「呢啲循序漸進，未有，雖然我阿媽係想，但都唔係今時今日，有消息會通知大家。」鄭嘉穎又話工作好忙，今晚就要去長春出席長春電影節，因為兩年前拍咗套電影《貧窮富爸爸》，下個月就喺大陸上映，所以要忙宣傳。講到鄭嘉穎嘅舞台劇《風雲》，o依家就開始錄音，之後就會開始個人綵排，因為下年4月先正式做，所以冇咁快開始總綵排。講到《巨輪2》入面，陳凱琳被吳岱融強姦，鄭嘉穎都話有睇過，佢話：「呢啲係王心慰設計出嚟，每套劇都有高潮位。」講到睇完有冇嬲，佢就話：「做演員嘅，點會嬲呢，但我媽咪就話咁快拍啲咁大膽嘅戲，我咪同佢講，有得發揮先會畀佢做。」 
來源 source: http://s.nextmedia.com
|
鍾意就快D Share啦！
|
|
|
