掃呢頁CODE去手機

2016年10月14日 星期五

【黃鶯四歲喇!】朱茵黃貫中罕晒全家福 __,朱茵,黃貫中,

呢啲合照真係難得一見!近年又做真人騷又拍戲嘅女神朱茵,佢同Rock爆老公黃貫中(Paul)2012年生咗得意囡囡黃鶯(叉燒包),當時佢兩個一人一日一幅相晒愛女,萌到一班網友大呼羨慕!唔經唔覺黃鶯已經四歲喇!朱茵同Paul就帶咗壽星女去主題公園玩,齊齊合照大晒家庭樂。佢哋除咗企定定合照,朱茵同黃鶯仲去咗玩旋轉木馬,而依家齊蔭嘅黃鶯已經高咗好多,有媽咪朱茵條腰咁高,仲遺傳埋媽咪個靚樣,眼大大嘴仔紅卜卜 ...


呢啲合照真係難得一見!

近年又做真人騷又拍戲嘅女神朱茵,佢同Rock爆老公黃貫中(Paul)2012年生咗得意囡囡黃鶯(叉燒包),當時佢兩個一人一日一幅相晒愛女,萌到一班網友大呼羨慕!

唔經唔覺黃鶯已經四歲喇!朱茵同Paul就帶咗壽星女去主題公園玩,齊齊合照大晒家庭樂。佢哋除咗企定定合照,朱茵同黃鶯仲去咗玩旋轉木馬,而依家齊蔭嘅黃鶯已經高咗好多,有媽咪朱茵條腰咁高,仲遺傳埋媽咪個靚樣,眼大大嘴仔紅卜卜皮膚白滑,唔怪得之朱茵同Paul錫到佢燶喇!

而朱茵就上載咗佢哋一家人去玩嘅相去微博,相中黃鶯舉V切蛋糕,朱茵就寫道:「小鶯,生日快樂!」網友就話囡囡愈大愈靚,咁朱茵兩公婆真係記得要睇緊啲女女,因為佢大個咗實有好多狂蜂浪蝶追佢呀~~


來源 source: http://hk.on.cc
鍾意就快D Share啦!