楊怡透露佢畀長輩同一班老友催生B，仲話都有摸吓謝安琪個肚沾吓旺氣㗎！
藝人羅仲謙（謙謙）與楊怡昨晚舉行大型婚宴，群星到賀。而一對新人今午離開酒店，被問到昨晚睡得好嗎？他們不約而同指攰爆，連洞房都無力，謙謙說：「我一撻落床就瞓咗！」楊怡又謂：「我抽筋抽到腳趾都疊埋一齊，啲賓客好好，排好耐先可以同我哋影相都照排，都影咗兩個鐘。」錯過了洞房夜，會否感到好可惜，兩人笑言：「儀式啫！」楊怡透露之後要忙於工作，她說：「過埋今日先，仲有好多嘢要做，依家好似做完個大Project咁，真係要抖抖，之後都各有各忙，我要做舞台劇。」
未打算度蜜月？
問到度蜜月會去邊？楊怡說：「未決定，大家唔好喺機場等我哋。」謙謙則表示：「我之後都要開工到下年三月。」講到羅仲謙要隻身到內地工作，問楊怡是否不會擔心老公有艷遇，她謂：「呢啲從來冇驚過，要對對方有信心，結婚誓言都有講。」
畀長輩老友催生B
提到長輩有否催生B，楊怡坦言：「唔止咁簡單，朋友都有催，尋日謝安琪有嚟，我都有摸佢個肚沾吓旺氣，大家都叫我哋努力，但唔會有太大壓力，好似有人話食酸嘢會生女。」羅仲謙即接着說：「好似陳浩民兩公婆講㗎。（會否效法佢哋生四個？）我哋會慢慢嚟。」接受完訪問之後，兩人大方將婚戒放心口讓傳媒拍照，之後便上車離開。
來源 source: http://hk.on.cc
|
鍾意就快D Share啦！
|
|
|
