馬浚偉話成個婚宴都好感人。
羅仲謙和楊怡的婚宴上，大班無綫幕後人員齊齊向一對新人敬酒，場面熱鬧，形同一班無綫人的聚會一樣，相當難得，而新娘子楊怡為答謝一班與她經常合作的幕後，都開懷地乾杯回禮！
而與楊怡以「阿哥」、「阿妹」相稱的馬浚偉，到賀完「阿妹」婚宴後，約晚上10:55離開，他表示：「今晚飲宴好開心，好感人，佢哋多謝雙方家長時場面都好感動，親情就係最感動，好SWEET﹑好浪漫，我以『大舅』身份到賀當然感動同一對新人影相時都排晒隊，我到敬酒時先影番，場面真係好Touching，不過我冇喊，睇住佢（楊怡）大，佢畢業後（訓練班）第一首MV都係同我拍，佢大個女喇！（所以大手筆送金豬？）一早應承咗嘅！佢都估唔到咁大！其實係三隻中有九隻小豬在內。（寓意生九個小朋友？）生到又冇所謂呀！盡量生佢戴金豬都咁靚咁高貴，見佢媽媽都好開心。（有冇飲酒？）冇乜，自己唔飲，我範圍內都冇乜人飲，一對新人都冇乜飲！反而場面好似大班TVB同事聚舊咁囉！」
來源 source: http://hk.on.cc
|
鍾意就快D Share啦！
|
|
|
