今日對鞋一定太高啦，阿聰拖到咁實就知啦。
藝人張繼聰拖實腹大便便的太太謝安琪（Kay）出席羅仲謙與楊怡的婚宴。久未公開露面的Kay發福不少，她更腳踏約兩吋高跟鞋現身，Kay見到傳媒即笑說：「好耐冇答，好緊張呀！」阿聰表示與阿怡與謙謙相當熟落，因此要到場見證二人的重要時刻：「加上太太好耐冇出城，帶佢出嚟威吓，拍吓拖咁！（幾耐冇一齊盛裝出席？）幾年喇我諗，係好罕見！（Kay懷胎幾月？）過咗3個月囉！（唔講得幾耐？）BB話唔好講咁多喎，佢話細細個要有番啲私隱，一路做產檢都好健康，BB比同期嘅偏重，好健康。」
Kay自爆肥幾KG
問到Kay懷孕後體重增加多少？她說：「係之前休息時食肥咗，將個起點拉高咗，有咗BB到依家都係多咗幾KG。（飲食OK？）平時都食得好清淡，之前幾個月好易攰，有時胃唔舒服冇乜郁動，家人都好照顧我，搞到冇乜點運動，所以肥咗啫，依家天氣舒服返，加上身體適應咗，可以做少少輕鬆運動，可能散步咁，『好慢速嘅快步行』咁囉！」問到Kay老公是否多抽時間陪伴？身旁的阿聰聞言即說：「講到我浪子回頭、花天酒地！一收工就返去囉，如果早食完飯會陪佢散吓步，慢慢迎接小朋友來臨。」講到謙謙想生女兒，阿聰笑言：「問阿Bob好啲！佢命中率高！阿怡同阿謙都Fit，冇問題吖，小朋友最緊要有，仔女咪再追囉！我哋住嗰度好旺丁！我哋同屋苑嘅。」
阿聰：啲平底鞋嚟！
講到Kay兩吋高跟鞋現身，問會否叫太太着少啲高跟鞋？Kay聞言即投訴：「今日着吋幾咋！」阿聰則說：「對於佢之前4、5吋仲可以跑步，仲可以『藍夢南』喎！呢啲平底鞋嚟！（要你批准？）唔使，我冇咁大權，最多扮吓可憐狗仔，畀啲可憐眼神佢，話好似有少少高喎，如果太高就要做總統保鏢，要不停黐到實！」
來源 source: http://hk.on.cc
|
鍾意就快D Share啦！
|
|
|
