呢個係咩玩法？
內地歌手張靚穎近日傳出同男友兼經理人馮軻喺意大利舉行婚禮，點知事件傳出之後，張靚穎媽媽向內地傳媒公開親筆信反對婚事，又話馮軻唔係一個可以付託終生嘅男人，搞到兩個人互相還擊，成為近日熱話。
今日咁啱係張靚穎32歲生日，有內地消息指身在成都舉行生日會嘅佢，獲得媽媽到場慶生兼支持，媽媽仲不時喺台下用手機影相，張靚穎仲喺台上多謝媽媽：「今天是我的生日，每年生日我媽都會跟我說是我的生日也是我的受難日，我覺得我長這麼是一個幸運的人也是一個幸福的人。雖然我是單親家庭但我媽媽給了我兩份愛，讓我甚麼都不缺，在一個很幸福的狀態長大的。媽媽我愛你。」而後尾張媽媽仲上埋台，張靚穎仲攬住媽咪好開心，而成個亮點一定係張靚穎、馮軻同張媽媽首次喺呢個風波後同台，似乎睇嚟好似冇乜事咁。
來源 source: http://hk.on.cc
|
鍾意就快D Share啦！
|
|
|