熱爆娛樂: 【獨家有片】51歲素顏邵美琪形單影隻愁爆生粒粒 _

2016年10月12日星期三

【獨家有片】51歲素顏邵美琪形單影隻愁爆生粒粒 __,邵美琪,

【獨家有片】51歲素顏邵美琪形單影隻愁爆生粒粒	17,057
建立時間 (HKT): 1012 00:02

鄭伊健同蒙嘉慧(YoYo)o依家兩公婆好恩愛，之前都被影過拍拖去超級市場行街街。早前YoYo上電視節目接受訪問時，講起「奪麵雙琪」事件，佢話唔甘心見到伊健每一年都要留喺屋企過，所以帶伊健出去搭巴士，齋聽都覺得呢件事好浪漫。(相關連結： http://bit.ly/2dILNs5 )伊健同蒙嘉慧o依家就好sweet，而「奪麵雙琪」中梁詠琪就有着落，但今年51歲嘅邵美琪(Maggie)就情路崎嶇。Maggie係上世紀大台花旦之一，上年年初狠撇拍拖6年嘅花心男施祖男後，冇咗愛情滋潤，搞到成個人dry晒，慘遭指指點點稱其日久失修，面腫皮鬆云云。日前下晝約4點，《蘋果》見素顏Maggie一個人揸車落天后一間上海食肆買外賣，Maggie先將車泊咗喺的士站附近，落車後嗱嗱聲衝入上海食店，喺銀包拎錢俾老闆娘。其間見佢同老闆娘傾到雞啄唔斷，即使外賣已到手，依然唔捨得走，傾咗足足10分鐘，先拎住一大袋、足足有兩、三個人份量嘅外賣跳上車。明明對住老闆娘眉開眼笑嘅Maggie，出門口即變得愁容滿臉，眉頭緊皺。只見Maggie當日戴住眼鏡，由於冇化妝，皮膚略帶黃，而且左眼角亦現了點點黑斑，未知是否暗瘡印。每次情傷，Maggie雖然獲得全世界同情，但尋覓愛情大半生嘅佢，至今依舊孤單隻影，身邊冇人冇物。要回春，睇嚟Maggie係時候快啲搵番個真命天子！

攝影：徐錦池	日前， Maggie到天后一間上海舖買外賣，期間佢一直企喺收銀位，同老闆娘吹水。
戴住黑框眼鏡嘅Maggie，當日只係搽少少唇膏，一身casuallook裝扮，但左眼就離奇現黑斑！	拎住外賣出嚟嘅Maggie，一臉憔悴！	上年年初甩拖嘅Maggie，休養生息半年後，擔任美容院代言人嗰陣露少少，狀態開始回勇。(資料圖片)
啱啱甩拖嘅Maggie，有指日日以淚洗臉，面型身型亦瞬間脹咗一個碼。(資料圖片)		Maggie同細自己9年嘅施祖男拍拖，但舊年年初因男友花心，最後Maggie忍痛分手。(資料圖片)
蒙嘉慧早前上電視接受訪問，講起「奪麵雙琪」事件。	邵美琪以前都索爆㗎！