網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月5日 星期三

【賣唱籌錢】張偉文為行得番願傾家蕩產 __,張偉文,

張偉文賣唱籌手術費,仲話為咗可以行得番路,傾家蕩產都願意。現年63歲的「靚聲王」張偉文(Donald)近年受腰患及腳痛纏擾,要坐輪椅代步。Donald今日為10月中開始舉行的個唱進行綵排,雖然他外形消瘦,但精神尚算飽滿。受訪時,他透露11月完騷後會做腰椎大手術,雖然手術費用高達50萬港元,但為了重獲行路的機會,他實行賣唱籌錢,更直言不介意傾家蕩產做手術!八成機會行得番Donald透露醫生表示手術後 ...




其他影片:>>






張偉文賣唱籌手術費,仲話為咗可以行得番路,傾家蕩產都願意。

現年63歲的「靚聲王」張偉文(Donald)近年受腰患及腳痛纏擾,要坐輪椅代步。Donald今日為10月中開始舉行的個唱進行綵排,雖然他外形消瘦,但精神尚算飽滿。受訪時,他透露11月完騷後會做腰椎大手術,雖然手術費用高達50萬港元,但為了重獲行路的機會,他實行賣唱籌錢,更直言不介意傾家蕩產做手術!

八成機會行得番

Donald透露醫生表示手術後有八成機會可以再次行路,他滿懷希望表示:「會切尾龍骨最底下嚿骨,然後喺嗰個位補番適合size嘅假骨,而第二嚿骨都有少少初期退化,所以要用骨漿補番,再整個類似烏龜嘅罩鞏固啲骨。」他亦自爆為了慳六萬元,上年找了另一個醫生做手術,但卻不太成功,故今年找回原裝設計此項手術的醫生做手術,他謂:「估唔到佢仲肯幫番我,仲叫我申請個資助,因為我唔係好紅,唔想做完手術就冇晒錢,如果申請成功咁我做手術就唔使錢,不過如果申請唔成功,我傾家蕩產都會做!因為有八成機會行得番,我行唔到路好耐,所以好鼓舞!」

手術費最少要50萬

問到手術需要多少錢?他透露因手術需要四個醫生,故單是醫生費用都已經逾30萬:「仲未計住院費,冇50萬都唔使諗。(怕唔怕手術有風險?)一個人都唔知幾時會離開呢個世界,總之值得做,有個希望喺度。」他亦透露因為此手術非微創,故手術後要住院兩星期休息,之後再用三星期訓練行路。

感激歌迷支持

講到今次要開五場演唱會,Donald表示身體應付到,屆時坐着開騷的他亦謂騷前要打定止痛針,因為腰至膝頭神經會痛。對於有指此是告別作,他謂:「唔係,希望有得做落去。(你之前唔肯收歌酬?)係呀,之前驚有啲乜嘢,但啲錢又喺我戶口度,所以先話想唱一場收一場,但依家公司畀咗訂我先,畀啲鼓勵我。」談到很多歌迷朋友很支持他,他開心表示:「真係好多謝佢哋,有歌迷話就算我瞓喺度都會嚟聽,所以好欣慰同受寵若驚,呢啲觀眾緣好難求。」


來源 source: http://hk.on.cc
鍾意就快D Share啦!