羅霖身穿低胸晚裝、勁露三吋事業線出席Gafencu晚宴，性感非常，更撼贏有全球第二美女之稱、同樣以低胸晚裝亮相的韓國女星李成敏（Clara）。
羅霖將於1月開拍無綫劇集《深宮計》，故透露要趁這兩個月盡情玩樂及盡量做其他工作，她說﹕「我啱啱去完新加坡同日本旅行，12月都會去旅行，睇吓仔仔想去邊。我又要拍廣告同處理公司業務，所以都好忙，而且要做運動同練演技。」羅霖自爆每日都有在廁所練演技，並謂因為今次飾演奸角，故要苦練眼神，並因而經常遭兒子投訴留在廁所時間太長。問到有否在仔仔面前「露兩手」，她笑謂：「我要練到咁上下先畀佢睇，佢好嚴格，我做嘅戲佢都會畀意見，要練好啲先。（好大壓力﹖）少少，最大壓力係考慮接唔接嗰時，對於我嘅記性同記台詞有啲擔心，因為我年紀唔細，又生過三個，記性會冇咁好，我要食多啲嘢去補腦。（怕唔怕現場飛紙仔﹖）我諗唔會飛得太多，我對監製有信心，古裝劇應該唔會飛咁多。」
Clara晒廣東話
另Clara全程以英語對答，她自言經來港出席活動，問是否來港拍戲？她說：「嚟緊會拍另一部大陸電影，係動作片，我依家學緊武打。（有冇學廣東話？）太難。」她隨即用廣東話講「你好，我係Clara。」以及「唔該」。問她跟誰學廣東話﹖她坦言：「周圍學，餐廳，有時係朋友教。（有冇教你講粗口﹖）冇，教我嘅都係好人。（你之前同古天樂、張家輝合作，今次有冇搵佢哋聚舊？）冇。（你之前拍過電影《使徒行者》，嚟緊開續集，你有冇興趣？）如果可以拍，係我嘅榮幸。我好鍾意動作片，同埋鍾意做運動。（唔怕受傷？）我會好好照顧自己。（香港有格鬥真人騷，你有冇興趣﹖）如果有機會，我都想參加。（唔驚畀人打傷塊面？）會打面？我要拍戲，我要顧住我個樣喎！」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|