家事應該閂埋門處理，但係呢兩pair就喜歡同大家share，佢哋係年齡相差40年嘅爺孫戀主角李坤城林靖恩，以及林靖恩爸爸；另一pair係大陸女星張靚穎同經理人公司CEO老公馮軻，以及張靚穎母親。李坤城林靖恩呢，最近有傳兩人將於女方20歲、即本月15號生日後，結為夫妻，李坤城日前受訪時，被問及兩人有冇避孕，李直言：「我們跟普通情侶一樣很真實自然，在她20歲前，我不會讓她懷孕。」即係……有曳曳啦。好多網民留言話「父母的心應該都碎了！」、「應該要放了那個女孩…小孩不懂感情世界，男人太自私為了自己的私慾。」大家都為林靖恩父親心痛之時，其實睇番之前一則報道，係李坤城揭露林父因為妻子不忠而離家出走，林靖恩亦經常遭父親家暴，但母親一早同林靖恩斷絕關係，所以林靖恩小時根本走投無路：「父親不跟她溝通說話，也從不過問她生活經濟的問題，更從未想要跟她一起吃飯用餐。」(新聞連結: http://bit.ly/2fh9ypt )家家有本難念的經，咁張靚穎呢邊，仲複雜。日前(8號)張靚穎同拍拖13年嘅經理人馮軻結婚，之前張老母曾經發公開信數臭準女婿疑騙財騙色（相關新聞： http://bit.ly/2fukyNf ），力阻婚事，所以婚禮上老母亦缺席，佢話冇收到請柬，又彈咗愎句：「反正戶口名簿還在我這裡。」兩日後，即噚日，張靚穎媽媽又出招。佢接受採訪時話，生日會同馮軻戲劇性和解，係因為「馮軻在用靚穎的生命威脅我」；晚上張媽媽又喺微博貼出馮軻前妻魏蕾嘅「離婚承諾書」，寫道：「當年就是這張承諾書騙我的女兒」，承諾書上註明，魏蕾承諾喺06年1月同馮軻離婚，條件係男方需承擔女兒書簿費。承諾書簽訂時間為05年12月30日。留意番，之前張靚穎媽媽爆料稱，馮軻同張靚穎2003年認識並相戀，當時馮軻話自己已離婚3年，依家有離婚證書為證，馮軻最早最早都要等到06年先至離婚，張靚穎誤當第三者長達3年。網民反應呢？同李坤城林靖恩完全唔同，大部份都係狂轟張靚穎媽媽，叫佢放過個女，唔好令個女尷尬……「有什麼事不能關起門來說，更何況你的女兒是公眾人物！你難道真要毀了她的聲譽才滿意？」、「你能不能理智點，老是爆張靚穎的醜料，你是為了她幸福，還是擔心以後沒錢花？」唉！
|
鍾意就快D Share啦！
|
|
|