前中國小姐趙哲妤（Uny）9月自爆未婚懷孕，至今已佗B 7個幾月。預產期在1月初的她，還有個多月便生得，最近更搬到汀九服務式住宅安胎，BB將出世但是BB父親繼續無影，壓力谷到爆的Uny日前約區議員訴苦，當日下午5時多她駕車離開寓所，直往青衣，停車後行入一間連所茶餐廳，未幾區議員張慧晶及兩名男友人步入，四人坐在卡位密密傾，Uny苦情地講不停，一行人傾足成個鐘始離開，步出時Uny難掩愁容，多次嘴扁扁。
逗留至凌晨12時半
見完議員Uny再駕車到土瓜灣，步入該處的一個屋苑逗留至凌晨12時半才離開，腹大便便的她更順路載了兩名友人回家，自己才打道回府休息。
露出大肚
大肚Uny懶理肚子漸大，仍然經常早出晚歸，另一天她又駕車先往尖沙咀購物，買完蛋糕又買護膚品，隨即再去銅鑼灣約朋友食飯，穿上不合身緊身套裝的她，上衣被巨肚撐起，不時向上縮，露出一大截肚皮及肚臍任由BB「吹風」，當晚她和友人又再歡聚到凌晨12點，然後挺着大肚做司機逐一送朋友離開。
冇乜點見BB爸爸
記者致電Uny，問到向區議員訴苦，她說：「佢係我好朋友，我一向當佢係半個家姐，佢仲話到我生咗會幫手湊。（依家經濟係咪有問題？）無論點都會畀到BB最好，已經安排咗去港安醫院順產，都有請工人同陪月，不過搬咗出嚟住真係一闊三大。（見你啲衫好似唔啱着？）都係，我淨係重咗十幾磅，都冇買過大肚衫，嚟緊都會注意番，個肚愈來愈大會買番啲衫。」其後問到BB爸爸，她直言：「我哋冇乜見，依家我自己都處理到，如果有咩特別事佢都會幫手，經濟上冇搵佢幫，剪臍帶都唔會啦，總之我滿意現狀，三餐溫飽，有瓦遮頭已經好幸福，其他嘢等BB出咗世先再講。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|