強攻美容市場親自睇裝修 楊秀惠開分店再做老闆
【落舖監工】
■楊秀惠再擲過百萬開美容店，睇裝修時她指手劃腳。DV圖片
【指導員工】
■楊秀惠向店舖員工講解工作流程。
【細心驗貨】
■楊秀惠緊張裝修，擒高踎低視察進度。
【荃灣】近日在無綫劇《來自喵喵星的妳》中色誘陳豪的楊秀惠，雖然今年才32歲，但已懂得為未來生活打算，明白演藝工作未必能長久，所以邊做幕前邊做生意。繼前年與家人投資過百萬代理美容品牌生意、於銅鑼灣開設樓上舖後，月前她又於大坑開設沙冰店，並且不時到舖頭做生招牌打躉。
■除了美容店，楊秀惠亦有投資沙冰店。資料圖片
女強人模樣據悉楊秀惠有見美容店和沙冰店開始上軌道，於是打算再進軍商場，在荃灣千色匯商場開設美容店。日前記者發現楊秀惠巡視裝修，當時她於一間圍上木板的店舖內跟裝修工人研究裝修進度，又跟舖頭的sales講解工作流程，其間她不時指手劃腳、擒高踎低，事事親力親為，一副女強人模樣。
再投資百萬記者問楊秀惠是否再開舖時，她大方承認說：「其實前幾年自己喺星馬嘅美容生意做得幾好，所以想試吓香港市場，喺荃灣開舖，因為銅鑼灣啲熟客嚟開買嘢嗰陣，問我幾時會喺荃灣開，咁啱睇中呢個舖位，咪試吓囉！」
問楊秀惠瓣數多多，同時開美容店和沙冰店做老闆娘會否難以兼顧時，她笑說：「其實沙冰舖係同朋友夾份，當學吓嘢，美容先係我主打生意嚟！今次同上次一樣，都係投資咗7位數！」
採訪、攝影：朱志聰
來源 source: http://hkm.appledaily.com
|
鍾意就快D Share啦！
|
|
|