網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年11月12日 星期六

霆鋒入廚同家人變Close 拉姑感動落淚 __,拉姑,謝霆鋒,霆鋒,狄波拉,

霆鋒話入廚之後,同家人嘅關係拉近咗,拉姑喺台下感動到喊咗出嚟。「型男廚神」謝霆鋒今晚現身澳門新濠影滙舉行的「感官之旅」星級晚宴,霆鋒更獲全球美食權威米芝蓮指南頒贈「米芝蓮之友」榮譽,成為自1900年以來,百年來的第一人!打頭陣出場的霆鋒帶着自家設計的「秋天的甜酸苦辣」上台,向賓客介紹設計靈感及意念,連米芝蓮指南國際總監MichaelEllis都表示非常讚嘆!霆鋒提到因拍攝節目《十二道鋒味》而到訪世 ...


霆鋒話入廚之後,同家人嘅關係拉近咗,拉姑喺台下感動到喊咗出嚟。

「型男廚神」謝霆鋒今晚現身澳門新濠影滙舉行的「感官之旅」星級晚宴,霆鋒更獲全球美食權威米芝蓮指南頒贈「米芝蓮之友」榮譽,成為自1900年以來,百年來的第一人!

打頭陣出場的霆鋒帶着自家設計的「秋天的甜酸苦辣」上台,向賓客介紹設計靈感及意念,連米芝蓮指南國際總監Michael Ellis都表示非常讚嘆!霆鋒提到因拍攝節目《十二道鋒味》而到訪世界各地尋找美食,Michael指其行徑與米芝蓮指南的食評家相似,深感興趣的霆鋒即趁機問對方現有食評家數量,似乎想𢱑做食評家,可惜Michael卻坦言現時的食評家已足夠運作,慘食檸檬的霆鋒即說:「扯!」

兒時回憶擺上碟

謝霆鋒為了今晚的「感官之旅」星級晚宴,連日來他都早上九點就到澳門,日日都準備到凌晨一點才返港,他說:「因為個量太大,做呢啲fine dining有好多變數、因素,例如擺盤、潮濕度等等,因為澳門同香港特別潮濕。(個菜式諗咗幾耐?)又唔係諗太耐,個心同當時季節性係乜嘢,依家咁靚嘅秋天,秋天嘅美味。」他的「秋天的甜酸苦辣」,有啡橙葉的楓葉形薄脆,他表示因難忘加拿大溫哥華的顏色,他說:「係細個嘅回憶。」

雖然他今次以「感官」為主題,但霆鋒指食過他的凍湯後,感官佳餚才開始,他說:「我都希望大家咬嘅時候個聽覺、味覺、觸覺會有好多唔同質地,啲粉呀薄脆個湯跟住撈埋一齊。」

寄語年輕人放眼世界

霆鋒在台上表示因入廚令他與家人拉近關係,令媽媽拉姑在台下感動得哭出來,霆鋒說:「講真我一路唔係同父母好close嘅小朋友,直至我開始入咗廚房之後,真係會發覺煮嘢食唔係剩係煮畀自己食,係同屋企人分享,會多咗個平台交流,我嘅《十二道鋒味》節目,我真係希望透過呢個騷,同時下年青人講,屋企啲電腦產品係好玩,但你要花少少時間行出世界睇一睇、摸一摸、試一試,佢係會畀到你更多更多。」

避談王菲

霆鋒坦言跟家人關係變得close,記者笑他搵家人做「白老鼠」試食,他說:「係,開始咗呢個習慣之後,係一個健康嘅平台,同邊個都係,嗰一碟餸,其實好唔好食,最緊要大家分享嗰個過程。(喺感情世界你都成日分享煮食心得?)煮食係同所有人分享,北京又煮,香港又煮,我邊度都煮,我本身匿埋放幾多心機。(你之前跟童童(竇靖童)好close?)我唔答呢啲。(王菲隻眼有事?)唔好諗咁多,冇事!」

今次獲頒「米芝蓮之友」榮譽,他感到好榮幸,問到可有跟星級大廚交流?他說:「呢幾日同佢哋一齊,其實好多都識,我依家都趕番去廚房幫手,大家互幫,幾百人嘅fine dining我都係第一次整。」霆鋒表示他最愛將世界文化的味道放在同一隻碟度,他的感覺最開心。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!