熱爆娛樂: 飛甩坤哥　王卓淇賽車闊少新歡起底 [壹週刊

2016年12月15日星期四

飛甩坤哥　王卓淇賽車闊少新歡起底 [壹週刊 - 1397] __,王卓淇,吳業坤,坤哥,M1,

王卓淇與黃巨榮拍拖數月，今個月初男友生日，兩人當然黐實 sweet慶祝。兩個同是家底厚，可謂門當戶對。

娛樂偵訊

飛甩坤哥　王卓淇賽車闊少新歡起底

14年港姐亞軍，有「碩士法拉」之稱的王卓淇，早前被指與坤哥地下情，因龔嘉欣介入，傷心斬纜。

有樣有米有名銜，搶手王卓淇火速換畫，並在 Ig放閃晒恩愛。賽車手打扮的新歡黃巨榮，原來是國內有名的職業飄移手，在賽車界有「中山二少」之稱的他，收藏數十部辣跑，是超級富二代，跟廠房太子女王卓淇，門當戶對。

富二代黃巨榮

洋名： Ken

稱號：中山二少

內地 D1職業飄移車手

黃巨榮是有料的富二代，考入英國著名學府倫敦大學修讀經濟，以一級榮譽生畢業。

門當戶對

甩咗坤哥後，四十三吋長腿王卓淇火速被富二代私有化。上週，王卓淇在 Ig公開新戀情，上載與男友合照並留言：「係開心嘅！」、「應承會同大家講。」

王卓淇大方放閃，數日後又在 ig吐心聲：「今年我失去一位生命中的摯親，但是同時間讓我遇上另一位摯愛……」跟新歡關係如魚得水。

黃翠如禾稈冚珍珠，其實王卓淇亦是隱藏於大台中的「潛力優質股」，父親做護膚品生意，在東莞擁有五十萬呎的超級廠房；但富貴王卓淇揀對象無分貴賤，戀過屋邨仔坤哥。

有指她與吳業坤的地下情快嚟快去。

陳瑩的新歡，衣架大王太子爺 William，與王卓淇的男友黃巨榮同是超級跑車俱樂部會員，公子玩意。

男友黃巨榮（黃箭者）是有中國第一飄移之稱的張少華（紅箭者）徒弟，早前他在內地盛大賽事奪冠。

倫敦大學一級榮譽畢業

王卓淇的現任男友叫黃巨榮（ Ken），二十七歲，在內地賽車界均稱他「中山二少」。有指黃父是中山富豪，主力搞房地產及酒店，但作風極之低調。

有個富爸爸，黃巨榮專心賽車，是國內甚有名氣的職業飄移手，屬於東洋輪胎飄移車隊成員，一二年，在上海天馬山飄移賽排全國十六位，近年在國內的賽事更攞過冠軍。

對飄移及賽車的瘋狂程度，黃巨榮揸住軚盤仍未滿足，還在國內開設生產及改裝賽車公司「榮泰致富集團」。雖被稱「中山二少」，但據悉黃巨榮與兄長從小已被父親送到加拿大留學及定居，之後再到英國升讀大學。

「阿 Ken一家其實好早就移民去加拿大，爸爸因為生意要兩邊走。阿 Ken喺英國倫敦大學讀經濟，係一級榮譽畢業生。之前佢開過廣告公司，一○年開始做職業飄移手，因為國內經常有賽事，所以索性搬返中山住。」

黃父作風低調，所以黃巨榮從不在朋友圈或微博晒命炫富。

「但去過佢中山屋企嘅朋友，都見識過佢珍藏嗰十幾架辣跑，另外仲有十幾架，就放咗喺佢爸爸另一間屋嗰邊。賽車圈子都知阿 Ken屋企『水深』到摸唔到底，知佢係超級富二代，不過阿 Ken自己好少提屋企嘢。」知情者說。

Ig放閃

有米的黃巨榮經常帶住女友出賽，收到定心丸的王卓淇，上週在網上公開戀情，之後又寫找到摯愛。

王卓淇在大台劇《愛情食物鏈》大騷 43吋長腿後，網友勁 like。

雖然家境極富裕，但黃巨榮一家相當低調，他亦不愛炫富。就算家有幾十架辣跑，亦只偶而才在朋友圈騷一架半架。

未來大嫂係華裔冠軍

有指王卓淇跟黃巨榮是數月前經雙方家長安排下「相睇」，二人一見即合。

「阿 Ken之所以識到 Erin（王卓淇），因為雙方家長係世交，兩邊都好想幫仔女搵個適合嘅另一半，所以刻意安排飯局當敍舊，兼且俾機會佢哋認識，點知阿 Ken同 Erin一拍即合。

「係好邪，阿 Ken個大嫂，係○五年紐約華裔小姐冠軍王倩，都係選美出身，當年仲係陳法拉幫佢加冕。 Erin又係姓王，又係有銜頭，選港姐時仲俾人叫『碩士法拉』，真係好蹺。」知情者說。