2016年12月14日 星期三

【獨家】大台捱足25年做到冇癮 57歲李錦聯劈炮唔撈 __,李錦聯,TVB,大台,

今年57歲嘅「TVB廚神」李錦聯,喺大台服務咗25年,係師奶節目《都市閒情》嘅台柱,佢主持嘅「今晚食乜餸」環節,吸引唔少師奶日日坐定定追看。不過,《蘋果》收到消息,李錦聯做埋今個月,就會離開無綫,以後喺《都市閒情》,想聽到李錦聯講金句「靠得住」,或者想睇佢同安德尊呢對加埋過百歲嘅活寶,喺節目中「隔劍」,示範「無敵鴛鴦鏟」場面,將成絕響!(新聞連結:http://bit.ly/2gdIJ2r)對於劈 ...




其他影片:>>






今年57歲嘅「TVB廚神」李錦聯,喺大台服務咗25年,係師奶節目《都市閒情》嘅台柱,佢主持嘅「今晚食乜餸」環節,吸引唔少師奶日日坐定定追看。不過,《蘋果》收到消息,李錦聯做埋今個月,就會離開無綫,以後喺《都市閒情》,想聽到李錦聯講金句「靠得住」,或者想睇佢同安德尊呢對加埋過百歲嘅活寶,喺節目中「隔劍」,示範「無敵鴛鴦鏟」場面,將成絕響!(新聞連結:http://bit.ly/2gdIJ2r )對於劈炮唔撈,《蘋果》日前打俾李錦聯,佢大方承認做埋今個月底,就會離開大台。李錦聯話:「始終自己年紀有番咁上下,諗住想休息吓享受吓人生,其實兩個月前有試過同監製講,話原本一個禮拜做兩日《都市閒情》,可唔可以減到變一日,但監製話做一日太少,咁我就話不如停一停」一間公司做咗20幾年,或多或少都會有份感情,李錦聯對無綫固然有份唔捨得之情。但做到意興闌珊亦係離開大台嘅原因之一。李錦聯話:「之前同大王(安德尊)拍《區區有伙》,原意係想我同佢喺節目你窒吓我、我寸吓你,啲觀眾最想睇呢啲啫,咁我同大王都有啲火花嘛,講嘢有時踩吓界、玩吓諧音,例如大王飲嘢,我就順口問句:『你仲乜『飲』嘢?』其實我冇講粗口㗎!不過監製話唔批,可能佢哋覺得個節目放喺合家歡時間啦,佢哋驚俾人投訴,所以咪cut走呢啲對白囉,咁你知啦,寫稿嗰班後生仔唔敢揹飛嘛,會寫啲唔會瀨嘢嘅對白,搞搞吓,我都冇乜心機做,佢哋話講乜就講乜」離開大台,李錦聯話「可惜一定有」,但自己亦唔想固定咗個框框,成世做煮餸佬。「我諗出面10個人有9個半都知我教煮餸,但其實我出面都有好多嘢做,幫好多餐廳、廚具做代言搞推廣,再唔係休息一排,會有一個新形式,試吓自己喺網上做條飲食channel都未定呢!」

之前李錦聯、安德尊拍住香香岑麗香拍節目《區區有伙》,原本嗌交做綽頭,但由於大台勁多掣肘,搞到唔湯唔水,李錦聯亦做到勁無癮。(資料圖片) 李錦聯話原本喺節目自度咗好多對白,但因為驚踩界,最後都俾監製cut咗!
李錦聯早年試過剝衫揸鑊鏟做訪問!(壹週刊圖片) 仲同當年緋聞女友余少寶一齊做訪問!(壹週刊圖片) 李錦聯除咗做《都市閒情》,不時會出席飲食活動!
李錦聯話唔撈無綫後,打算休息半年同老婆Winnie周圍去旅行!

來源 source: http://s.nextmedia.com
鍾意就快D Share啦!