巴治奧（圓圖）日前訪港，阿倫聲言要搵佢喺意國開番間雲吞麵店，連名都改埋，叫「左麟右李中間巴」。
樂壇校長譚詠麟（阿倫）出席《瑞銀香港高爾夫球公開賽慈善盃》，並擔任活動大使主持開球禮，阿倫當然有姿勢有實際，擺出打高球的拗腰標準姿勢發球，原來他已經有6年沒有打高球，他謂：「因為之前扭傷頸椎之後已經冇打，最多只可以打三、四個洞，今日自己就成功打出Par（標準桿），但如果我再打多幾個洞，嗰時就唔係Par，就變咗趴哋個趴。」
射波如勢如破冰…船
阿倫雖然沒有打高爾夫球但仍保持踢足球，不過踢波傷了腳幾次，他謂：「所以呢排做騷係最辛苦，因為我企足兩個鐘隻腳就開始腫，一個騷至少兩、三個小時，所以好辛苦。」
問等痊愈先再做運動？阿倫說：「我邊忍到咁耐，尋晚先至去踢完波，我一復出就連入3球。（大家都要讓開畀你射？）好似紅海散開咁，勢如破冰…船！」
特別照顧沖港式奶茶
提到意大利前球星巴治奧日前來港，專程到他開設的雲吞麵店捧場，阿倫興奮說：「因為嗰日我同克勤都唔喺香港，我就喺內地，所以我吩咐店裏面經理好好招呼佢，原來佢上次有嚟食過，可能佢係意大利人好鍾意食麵，上次佢都有試過雲吞麵，今次我就專登叫經理沖杯港式奶茶同埋靚嘅雲吞麵，佢又鍾意水餃嘅味道。」
既然意大利人喜歡食麵，問可會在意國開分店？ 阿倫笑言：「好喎，搵埋巴治奧開一間『左麟右李中間巴』都得喎！」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
