2016年12月15日 星期四

【獨家】57歲李錦聯重提余少寶:我覺得佢都…幾鍾意我嘅! __,李錦聯,

21年前,37歲嘅李錦聯同22歲由法國學成返港嘅港姐季軍余少寶「驚爆戀情」,男嘅半裸女嘅著咗件tube扮半裸影咗個封面,大字標題稱「我食硬余少寶」。余少寶事後解釋同李錦聯根本冇嘢,冇撻著亦冇拍拖,兩人只係合作主持《都市閒情》,同埋影咗個封面做宣傳而已。21年後,余少寶已然離開娛圈多年,04年與拍拖三個月嘅車神關兆昌胞兄關兆輝結婚,於港麗酒店筵開二十八席,過著少奶奶生活,06年已感性格不合,兩公婆一 ...




其他影片:>>






21年前,37歲嘅李錦聯同22歲由法國學成返港嘅港姐季軍余少寶「驚爆戀情」,男嘅半裸女嘅著咗件tube扮半裸影咗個封面,大字標題稱「我食硬余少寶」。余少寶事後解釋同李錦聯根本冇嘢,冇撻著亦冇拍拖,兩人只係合作主持《都市閒情》,同埋影咗個封面做宣傳而已。21年後,余少寶已然離開娛圈多年,04年與拍拖三個月嘅車神關兆昌胞兄關兆輝結婚,於港麗酒店筵開二十八席,過著少奶奶生活,06年已感性格不合,兩公婆一直貌合神離,2012年離婚。當時余少寶不慎墮入廣西買樓騙局,寓所又遭爆格,損失500多萬財物,人生一度陷入低潮。至於李錦聯,離過兩次婚,依家展開第三段婚姻,日前接受《蘋果》專訪期間,亦不避嫌重提余少寶。「余少寶(緋聞)就好好笑嘅,我哋嗰陣一齊喺《都市閒情》主持節目嘅,我覺得佢都…幾鍾意我嘅!」「有一次放工啦,我就接佢出去做嘢,佢就上我屋企,換衫喎!係我換衫,佢陪我返屋企。點知一落樓嗰陣,嗰陣住大埔仔,嘩,撞到成班記者,跟住就話我哋兩個返屋企呀、『做』我哋嗰陣做訪問做做下做埋周刊封面。」咁究竟兩人有冇拍過拖,李錦聯清一清喉嚨然後話:「我諗佢係想嘅。」……咁點解當年又唔發展呢?「佢都好靚女,同埋個人好nice,但係我覺得就……我其實唔係好鍾意呢個圈嘅人,同埋我覺得呢個圈嘅女士呢,多數都有種諗法呢,就有個好嘅男朋友呢,就乜嘢都靠晒佢,嗰陣我就見到好多嘅,其實我唔敢。」當然,呢part講嘅,唔係余少寶。李錦聯補飛加一句:「佢(余少寶)個人都好nice嘅,大家都有啲好感嘅。」但講真女方有冇俾過乜嘢signal你先?李錦聯答唔到,只重複道:「有啲好感啦,有啲好感啦。嗰陣時我成日同佢出去做騷,佢個人都好好,好nice。」依家有冇聯絡?「冇喇。」至於余少寶點講?2011年佢出席一個活動時就話:「十幾廿年前嘅事,都冇拍過拖,大家係同事,佢冇追過我,佢從來唔係我結婚同拍拖對象,我哋連單對單食飯都未試過。」嗰陣李錦聯同女友邵敏婷爆出感情糾紛,有人涉嫌動粗,事件鬧上差館,未幾又離奇復合,當時余少寶見到相關報道都好驚訝:「好驚!以前見佢好斯文,做啲咁激嘅行動都好驚訝!」

(小圖為圖片) 攝影:廖達燊、陳順禎 「余少寶(緋聞)就好好笑嘅,我哋嗰陣一齊喺《都市閒情》主持節目嘅,我覺得佢都…幾鍾意我嘅!」 究竟兩人有冇拍過拖,李錦聯清一清喉嚨然後話:「我諗佢係想嘅。」
2004年,93年港姐季軍余少寶與拍拖三個月、從事汽車防盜生意的男友關兆輝拉埋天窗,一對新人於港麗酒店筵開二十八席…左邊係賓客曾志偉。 (資料圖片) 93年港姐三甲,冠軍莫可欣、亞軍林麗薇,季軍余少寶。

來源 source: http://s.nextmedia.com
鍾意就快D Share啦!