「我食硬余少寶。」
1995年10月27日，貌似半裸的李錦聯與93年港姐季軍余少寶齊齊登上周刊封面，大字標題就是「李錦聯：我食硬余少寶。」當年李錦聯37歲，余少寶22歲，兩人因合作《都市閒情》而結緣，據報道內容稱，李錦聯對余少寶一見鍾情，但李錦聯嗰陣有另一半，要等到分手先可以追余少寶，仲借開工過橋，攞正牌搵食。報道更指，兩人於93年認識，95年8月開始第一次約會。拍拖？真係拍拖？唔係。
當年這個封面一出，效力真箇驚天動地，余少寶承受不少壓力，包括來自家人的壓力。總之，佢話，原先的構思，唔係咁樣……佢同李錦聯，亦冇拍過拖。當年李錦聯在訪問中的金句，依家睇番，依然驚心動魄，包括：「我對佢(余少寶)好有把握，完全冇問題，只不過係我決定玩唔玩呢個遊戲。」
「個勢係我食硬佢。」
「佢係港姐，佢需要一個男人有派頭，而李錦聯就有啲籌碼，成為個成功商人係我嘅轉捩點嚟嘅，我要洗脫我喺余少寶心目中嘅煮飯佬形象，呢樣嘢變咗我『媾女』嘅優勢。」
「如果我去媾啲冇腦嘅女仔，易過乜。只不過係毫無satisfaction(滿足感)。」
「我保守估計我個『李錦雞』可以賺到千幾萬一個月，呢個已經可以俾到一個極有優勢嘅客觀環境。而女人好重視言語上嘅技巧，要令到佢好舒服。我已感覺到有唔少女人為呢啲客觀因素而黐我。」
「對象嘅年齡唔係最重要，至緊要係有sex activities之後，而仲可以溝通嘅，咁先夠長遠。」
咁余少寶當年又點講呢？
「我理想男朋友，係一定要有佢嘅事業、奮鬥心同穩定收入。老公呢，就至少要養得起頭家，有樓有車，屬中上階級。」
「我寂寞或者有心事時，都會搵李錦聯傾偈。」
「我覺得佢(李錦聯)係煮飯佬一個！暫時仲未到中上階段，收入又未穩定，就算話佢依家有搞醃料生意，都係啱啱開始，都仲未穩定。」其實，綜觀成個訪問，余少寶對李錦聯好明顯係李錦聯冇咩意思，呢個cover，噱頭而已。應該係。但21年後嘅今日，李錦聯話當年有啲。
|
鍾意就快D Share啦！
|
|
|
