方中信愛妻莫可欣係93年港姐冠軍，又做過前慧妍雅集會長，參選港姐前任職生物研究助理，喺96年同方中信拍拖，二人拍拖多年，08年6月生咗囡囡。莫可欣演過嘅角色唔多，最為觀眾記得嘅係佢做過《真情》Rebecca同《鑑證實錄》演Madam Sam。方中信同莫可欣拍拖12年時，二人從未諗過生兒育女，當日莫可欣「中獎」後，佢係等到見肚先同方中信講，當時令方中信受驚，用咗兩個禮拜先可以接受事實，鎮定後準備迎接新生命，仲講明會為莫可欣一生奉獻「我把自己最美好的12年都給了她，而且我還要一直奉獻下去」。遇上莫可欣，方中信都講過佢哋兩個性格一正一負，「我發脾氣時，佢就唔出聲，因為佢好清楚我性格，我係嗰種發脾氣只發一陣嘅人，呢方面佢做得好好，大家一起最重要的是開心，又合得嚟」。方中信仲講過「可欣唔靚，但人品OK，呢方面人夾人緣」。方中信近年不時上大陸拍劇，又生得夠型，點知方中信曾講過莫可欣從來唔擔心，「其實佢好醒目，永遠唔會問我同check我，亦唔會嘮叨，偏偏我性格反叛，你越唔問我，反而令我調番轉頭打電話畀佢，問佢點解唔打電話畀我，嗰種感覺真係幾sweet」。估唔到佢哋一齊咁耐，仲咁sweet!絕對係圈中模範夫妻!
來源 source: http://s.nextmedia.com
|
鍾意就快D Share啦！
|
|
|