網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年12月16日 星期五

【獨家】陪媽媽去迪士尼 朱晨麗短裙look又白又滑冇得輸 __,朱晨麗,

啱啱過咗29歲生日嘅朱晨麗,今年憑台慶劇《致命復活》葉秋一角被提名最佳女配角,講到今次演出,朱晨麗為咗幫家姐陳庭欣報仇,搵出當年家姐被殺嘅原因,於是乎接近同家姐有關係嘅郭晉安,點知朱晨麗鍾意咗郭晉安,最後仲同萬綺雯阻止安仔殺黃德斌,結果......查實朱晨麗喺現實生活都係一個對屋企人同朋友好好嘅人,雖然佢o依家忙緊拍劇,連瞓覺嘅時間都唔夠,不過日前有讀者向本報報料,見到朱晨麗同埋一個疑似係媽咪,加 ...




其他影片:>>






啱啱過咗29歲生日嘅朱晨麗,今年憑台慶劇《致命復活》葉秋一角被提名最佳女配角,講到今次演出,朱晨麗為咗幫家姐陳庭欣報仇,搵出當年家姐被殺嘅原因,於是乎接近同家姐有關係嘅郭晉安,點知朱晨麗鍾意咗郭晉安,最後仲同萬綺雯阻止安仔殺黃德斌,結果......查實朱晨麗喺現實生活都係一個對屋企人同朋友好好嘅人,雖然佢o依家忙緊拍劇,連瞓覺嘅時間都唔夠,不過日前有讀者向本報報料,見到朱晨麗同埋一個疑似係媽咪,加埋女友人同小朋友,齊齊去咗迪士尼!之前朱晨麗曾經提過,雖然佢係獨生女,但係爸爸媽媽一直都訓練佢過獨立嘅生活,所以就算0依家喺香港做嘢,不過屋企人依然喺蘇州定居。睇返原來日前係朱晨麗生日,而朱媽媽專登嚟香港,睇嚟都係為阿女慶祝生日兼過聖誕。嗰日朱晨麗同媽媽喺樂園似乎玩得好開心,除咗同啲卡通人物影相之外,仲有陪媽咪玩吓啲機動遊戲,佢仲好細心咁扶住媽咪上落,而且成日自拍添!喺行去巡遊期間,佢哋遇到Star War嗰幾個白兵,於是乎第一時間衝埋去影相。之不過呢排晚晚喺電視都見到朱晨麗,加上嗰日佢又著住條短裙晒長腿,所以沿途都有唔少人認得出佢,有人仲走去搵朱晨麗合照,結果梗係好welcome喇!朱晨麗除咗對媽咪照顧有加之外,同行嗰兩個小朋友都唔例外,好似小朋友等咗好耐都唔見啲卡通人物,少不免都有啲扭計,但係朱晨麗都好有耐性咁0氹佢哋,到咗巡遊正式開始,朱晨麗都把握時間同媽咪玩自拍。

(採訪、攝影:畢紹基、孔志豪) 朱晨麗現身廸廸尼,好長呀......條腿 好白好滑咁樣
朱晨麗仲同媽媽排隊玩機動遊戲 仲selfie o添! 幾開心
佢仲好有心咁扶媽媽 好有愛心呀!

來源 source: http://s.nextmedia.com
鍾意就快D Share啦!