網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月8日 星期日

曾志偉:【贏1,600萬】曾志偉豪請老友食飯開P __,志偉,曾志偉,

獎門人好嘢!早幾日阮兆祥就喺微博甫咗幾張同獎門人家族成員嘅食飯相,佢哋成日都一齊食飯好似冇乜特別,但係原來今次有勁爆炸嘅原因聚埋一齊,就係曾志偉買馬贏大錢,上年年尾佢用成本2,600蚊贏咗1,600萬,你冇睇錯,唔係1,600「蚊」,係1,600「萬」,投資同回報嘅比率足足超過6,000倍,呢啲就真係成功刀仔鋸大樹嘅例子。一向豪爽嘅志偉當然唔會賴低一班好朋友,佢就搞咗一個Party去慶祝呢次成功刀 ...


獎門人好嘢!

早幾日阮兆祥就喺微博甫咗幾張同獎門人家族成員嘅食飯相,佢哋成日都一齊食飯好似冇乜特別,但係原來今次有勁爆炸嘅原因聚埋一齊,就係曾志偉買馬贏大錢,上年年尾佢用成本2,600蚊贏咗1,600萬,你冇睇錯,唔係1,600「蚊」,係1,600「萬」,投資同回報嘅比率足足超過6,000倍,呢啲就真係成功刀仔鋸大樹嘅例子。

一向豪爽嘅志偉當然唔會賴低一班好朋友,佢就搞咗一個Party去慶祝呢次成功刀仔鋸大樹,除咗買大量嘅酒之外,仲請咗位私房菜嘅大廚嚟即場開爐煮食,一班人玩得勁開心,真係睇見都羡慕。而有份出席嘅梁靖琪就表示平時都有一班人聚吓,當時都唔知曾志偉鴻運當頭贏咁多錢。

而都係有份喺現場嘅周家蔚就話好戥志偉開心:「見到台上邊有咁多酒,未飲晒大家都已經醉咗,志偉平時做咁多善事,佢心地咁好,係值得中呢筆獎金,相信呢筆錢志偉都會用大部份嚟做善事。而三嫂戚美珍就話:「總之我同三哥都戥佢好開心好開心!知佢一向小賭怡情,考考自己眼光,志在娛樂,而且志偉成日幫忙好多人也做好多善事,真的善有善報呀。」

除咗上年年尾贏鋪勁之外,志偉名下嘅馬匹「品自高」今日都係澳門贏頭馬,「品自高」以11歲之齡贏頭馬都算得上係爆冷,年尾贏大錢,年頭又爆冷,志偉都認真當旺。

講咗咁耐,大家係咪好想知志偉買乜贏咗1,600萬呢,當中有乜嘢方程式可以參考!據知12月22日跑夜馬,志偉用心水幸運號碼揀咗2場1號「越駿寶」同9號「吉利高」、4場2號「巴基小子」同8號「星際武士」同埋6場1號「哈蝦巴爸」同7號「海利多」,以呢三場買咗連贏及位置Q三串七,每注100蚊,總數用咗2,600蚊,就係咁就贏咗1,600萬!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!