何鴻章同「十姑娘」何婉琪所生嘅61歲私生子何東舜銘（前名麥舜銘）近排官司纏身，5月底佢俾老竇何鴻章追討佢同媽媽十姑娘價值80億嘅澳娛股份；早排法庭又駁回佢同前無綫藝員陳復生嘅上訴，何東舜銘需向前妻付龐大贍養費。（相關新聞： http://bit.ly/29O8pB2 ）官司纏身嘅何東舜銘，噚晚約11點，坐座駕抵達跑馬地養和醫院，其間一個人步入醫院大堂，約兩個鐘頭後，探病過後嘅何東舜銘快步離開醫院，只見佢雙眼通紅，似大喊咗一場，等車期間更忍唔住用紙巾拭淚。之後，何東舜銘搭的士直達有唔少酒吧嘅灣仔謝斐道，一個人不斷來回穿梭多間酒吧，雖然身旁有唔少低胸索女，但何東舜銘都似乎冇乜興趣，只係心事重重飲悶酒。直至凌晨兩點幾，先搭車離開。《蘋果》事後打俾四太梁安琪，對於何東舜銘噚晚深夜入養和，探病後喊晒，問四太知唔知咩事，四太回覆話：「唔清楚！」
| (採訪、攝影：黃曉程、朱志聰、梁繼光) | | |
| | | |
| | |
來源 source: http://s.nextmedia.com
|
鍾意就快D Share啦！
|
|
|