一向親民嘅周潤發，不時被藝人同巿民行山或買餸時遇到，搵發哥揸機selfie呢啲指定動作唔使講啦，估唔到會好似唔少「龍友」一樣，專程入南生圍影日出！《蘋果》讀者高先生透過「爆相爆片」，公開日前喺南生圍撞見發哥嘅相。高先生透露，當日發哥約喺朝早6點45分到達，當時已經有唔少「龍友」就位，同發哥同行嘅仲有一男一女，男嘅係助手，女嘅係當日模特兒。發哥一去到，就用普通話講「剛剛好」，然後就示意叫同行女子行落麥田度坐低攞甫士，雖然發哥平日愛好攝影，但嗰日唔見佢拎專業相機出嚟，反而用手機影就交到差。影咗15分鐘左右，相信佢哋係為影日出嗰一刻，影完就走。臨走嗰陣，發哥問現場人士有冇人未同佢影合照，然後逐一同人selfie完先離開。高先生指，發哥等人係揸車離開嘅，不過可能同一時間有太多車出入，令現場交通一度擠塞，所以又令親民嘅發哥出手，自己落車指揮交通，非常友善而且幫得手。
| （讀者高先生提供圖片） | | |
| | | |
來源 source: http://s.nextmedia.com
|
鍾意就快D Share啦！
|
|
|