忙開工又要苦讀朱千雪叫追求者體諒
藝人朱千雪、單立文（豹哥）及張振朗昨日到洪水橋拍攝劇集《踩過界》，劇情講述豹哥及振朗在工廠打鬥，千雪前來勸交卻中槍倒地，而振朗拍攝時不慎撞傷膝蓋，要稍作休息。
對於馬國明與黃心穎傳秘撻逾1年，曾與馬國明傳緋聞的千雪表示不知情：「唔知呀！我同心穎係同屆港姐咋！唔通佢要問過我先准拍拖？」此時豹哥突然插嘴，笑說：「我知好多喎！我瞓喺佢哋中間嘅！（即係佢哋一齊瞓？）係呀！三人行！其實係咪影到車出車入咋？呢啲好正常！」
此外，攻讀碩士課程的千雪透露下周開學，一周有六日都要上堂，同時要兼顧拍廣告及出席活動，雖然非常忙碌，但仍希望可趁暑假拍攝一套新劇。提到早前自爆有追求者，她表示仍在了解中：「順其自然，唔抗拒拍拖。（但你咁忙！）我同外國朋友都係用WhatsApp、FaceTime聯絡，對方知我係咁忙，要體諒！」
來源 source: http://orientaldaily.on.cc
|
鍾意就快D Share啦！
|
|
|