張秀文、陳婉衡同朱智賢今日去到沙田馬場出席「出閘（Jump）」開幕禮，張秀文話最想發新年財，自己都有小賭，每次買10至20蚊，最叻一次就係用生日日期買馬，中咗幾百蚊，但係秀文話自己好多時都係明燈：「有一次試過有人跟住貼士買，佢買3場都中晒，之後我一跟住買就唔中，好邪。」提到曾志偉上個月買馬，中咗1,600萬（新聞連結： http://bit.ly/2i5Xo3S ），秀文話：「嘩！點樣贏㗎？成日聽3串7，好少聽人講會中，佢自己本身係馬主，佢哋識睇狀態，要做功課。」另外，今日有指莊思明疑似懷孕（新聞連結： http://bit.ly/2iR60Kv ），同思明屬同屆港姐嘅秀文就話：「佢隻狗有咗咋？講吓笑啫，有就恭喜佢，佢哋兩個好sweet，睇好佢哋，我都係圈中人，唔可以畀壓力，笑吓算，係真嘅佢會請我飲嘅。」問到幾時輪到佢結婚？秀文話：「冇set到時間畀自己，最鍾意睇人sweet，唔鍾意做當事人，好似林心如都40幾歲先結婚生仔都幾好，香港讀書壓力好大，一定要好好計劃。自己搵到錢、有工作能力、學識同主見，婚姻生活先開心。」秀文仲話對小朋友冇渴望，所以唔會未婚懷孕。
| 朱智賢對金閃閃鞋，好彩冇失守走光啫。（攝影：陳俊強） | | |
| | |
來源 source: http://s.nextmedia.com
|
鍾意就快D Share啦！
|
|
|