黎明同舒淇喺1998年合作電影《玻璃之城》傳出撻着，可惜當時有傳黎明屋企人唔鍾意舒淇曾拍三級片，加上唔想影響雙方事業，所以一直冇張揚。二人地下情維持7年，到05年分手。為保護這段情受了不少壓力的舒淇，當年在兩人戀情曝光後慘成了眾矢之的，遭男方fans狂轟；有傳分手後，舒淇更試過喺片場失控嚎哭。冰封18年嘅感情，一直對「黎舒戀」採取寧俾人知莫俾人見態度嘅黎明，受訪從不談感情事，但日前(11日)現身大陸訪談節目《金星秀》時，竟然破格開金口，透露同舒淇昔日情嘅啲啲端倪。節目主持人問佢當年同舒淇分手，係咪因為承受社會壓力抑或係外界原因造成，黎明有點尷尬，諗咗一諗，之後就話明白主持問呢個問題，係因為觀眾想知，佢話：「我是當事人，我不能再說，人家(舒淇)已經結婚了，再討論的話不好，無論用甚麼方法討論下去都不大好。」之後主持人再追問：「那個算是一次心痛吧？」黎明諗都冇諗就答：「每個人都會有痛，沒有痛就不可能會在一起！」雖然冇正面講同舒淇嘅感情，但其後節目安排黎明選女神環節，名單上有舒淇、王菲同張曼玉等曾合作嘅拍檔，黎明最初話每個都係女神，仲講笑話女人好小器，唔知點揀好，主持人即轉問佢最欣賞係邊個，黎明就選擇咗舒淇，現場觀眾即起哄歡呼。
來源 source: http://s.nextmedia.com
|
鍾意就快D Share啦！
|
|
|