鍾嘉欣好索呀！
藝人鍾嘉欣為首飾品牌擔任壓軸嘉賓，她以低胸晚裝現身，非常性感！嘉欣即席示範逾三百五十萬、名為White Kites系列，有翱翔意思，她覺得跟自己很相似，因為自己現在在過空中飛人生活，但十分享受，她笑說：「其實每次坐飛機我都有得瞓，反而係一個少少嘅break，所以唔覺得攰，因為我依家係餵人奶，會餵到一歲，所以每次返嚟時間都會好短，我昨晚返黎，今晚就走嘞！（唔夠24小時？）上次唔夠，今次有36個小時。（囡囡有冇唔捨得你？）佢都慣咗媽媽成日飛，依家咩人都跟，老爺媽咪有幫手湊。」
唔使換新Bra
嘉欣又笑謂女兒開始認得她，跟她視頻，囡囡眼定定看着她不眨眼，十分可愛，嘉欣續說：「依家半歲最好玩，開始食糊仔，又識轉身，但未識爬，不過我同老公都覺得愈遲學爬愈好，唔使我喺廚房切切吓菜要搵女，依家仲好易湊。（餵人奶升級？）其實只係最初一兩個月先最澎湃，之後身體好似知道囡囡飲幾多，只係大少少，所以我由大肚到生到依家都唔使買過啲內衣同bra。」
有傾拍劇
問到何時追B？嘉欣表示：「我想等囡囡歲半至兩歲先，想有足夠既時間去愛佢，搵幾多錢都買唔到愛。（隔咁近就生拍唔到劇？）依家都有少少傾緊，要時間配合得到， （《溏心3》就快開拍？）係呀，我喺加拿大都有見到夏雨哥，好掛住一班前輩，但我相信加入咝新血可以創造另一個經典。」
囡囡唔做花女
此外，談到好友王君馨四月結婚，擔任姊妹的她笑言留待對方自己公布，問到會否讓女兒做花女？他笑說：「唔會啦，佢返過嚟香港一次，驚佢辛苦。（咁老公呢？ ）都唔會啦，佢要搵奶粉錢。」
來源 source: http://hk.on.cc
|
鍾意就快D Share啦！
|
|
|