繼續係旅遊達人杜如風接受《蘋果》獨家專訪，講番呢個$88,888團費本州5天農曆新年團「內情」／「行程」。報團嗰陣，杜如風聲稱呢個係香港史上最貴嘅本州團，仲係佢首度帶隊，品嚐伊勢海鮮及入住伊勢AMANEMU酒店，最後行程就改咗喇，由觀光變成購物。咁食同住又點呢？7.食得招唔招積先？夠唔夠豪㗎？
杜如風：食嘅價錢真係唔清楚，我唔係正式領隊，我係嚇窒……客席領隊，食嘢全部都唔係我安排，所以我唔知幾多錢。8.住邊？
杜如風：最貴嘅酒店係Amanemu Resort，應該係萬幾蚊一晚，有啲家庭房更加貴，要4、5000美金，我住嗰間房係1萬多啲港紙。9.究竟團友係乜嘢人？大陸自由行定香港人？闊太定Fans？
杜如風：有一pair老人家喺加拿大返嚟，因為佢哋個仔好鍾意睇我嘅節目，其他都係香港人，都係好錫我嘅fans。(估唔到杜如風啲fans咁疊水！)10.難忘事？
杜如風：平時唔肯起身，今次陪媽咪去好多景點，隻腳行到第三日已經開始痛，物理治療師話我只可以行一個鐘嘅路，但帶團冇辦法啦。呢個問你呢啲，嗰個問你呢啲，滿足佢哋所有要求為止，返嚟慢慢做物理治療。弱弱地問一句：下次杜如風再吹雞開團，十皮嘢三日二夜，去唔去？
來源 source: http://s.nextmedia.com
|
鍾意就快D Share啦！
|
|
|