郭少芸92年選完港姐，喺大台工作咗9年，當時32歲嘅佢覺得要搵出路，試下唔同工作，佢曾經喺周刊專訪講過：「如果32歲唔走，42歲更加冇勇氣走，唔通到時先出去搵工叫人『俾個機會？』」。就喺咁，郭少芸開始咗一條演員以外嘅路。第一站喺家姐嘅製作公司打工，不過郭少芸做做下就發覺好多嘢都唔識，要重新學習，見客、幫model挽鞋，甚至係執垃圾都要做。之後郭少芸就家姐同姐夫合作開食肆，第一間餐廳喺銅鑼灣，專門食羊肉，但就唔好彩遇着03年SARS，蝕到入肉，郭少芸講番起呢次投資：「輸到PK，我哋三個你眼望我眼，當推咗架歐洲車落山。」郭少芸汲取咗教訓，04喺旺角朗豪坊開咗間「簡單廚房」，牌係做西餐，有時間就落手落腳，都試過俾人影到佢喺舖頭捧餐，呢次生意成功，仲喺將軍澳開過分店。搵到錢梗係添食，12年喺朗豪坊開多間「小台北」，最好景嘅時候，每月營業額試過高達三百萬。不過業主加租、人工又貴，就算餐廳客滿都好難收支平衝，郭少芸先後將朗豪坊兩間食肆執笠，三次開餐廳都損手離場。
| 郭少芸開過餐廳，最叻嘅係喺朗豪坊嘅「簡單廚房」，足足經營咗10年。 | | |
| | |
來源 source: http://s.nextmedia.com
|
鍾意就快D Share啦！
|
|
|