掃呢頁CODE去手機

2017年2月11日 星期六

【最新圖片】女友小腹微隆?城城半夜現身 眼神示意…? __,城城,郭富城,

究竟來自上海嘅「城嫂」Moka(方媛)係咪有咗?咁城城即係就快做爸爸?唔係啩…雖然佢係講過有成家立室之意啫……郭富城同上海模特兒方媛(Moka)上年高調晒愛,噚日Moka突然於社交網貼圖稱「我有一點小變化呢」,身穿黑色連身傘裙、足踏高踭鞋,有咩「小變化」呢?有人覺得佢肚微微隆起噃!!城城經理人小美回應就話:「我其實並不太清楚」,又話覺得Moka只係開心share,叫大家不要想像力過份豐富:「但是凡 ...


究竟來自上海嘅「城嫂」Moka(方媛)係咪有咗?咁城城即係就快做爸爸?

唔係啩…雖然佢係講過有成家立室之意啫……郭富城同上海模特兒方媛(Moka)上年高調晒愛,噚日Moka突然於社交網貼圖稱「我有一點小變化呢」,身穿黑色連身傘裙、足踏高踭鞋,有咩「小變化」呢?有人覺得佢肚微微隆起噃!!城城經理人小美回應就話:「我其實並不太清楚」,又話覺得Moka只係開心share,叫大家不要想像力過份豐富:「但是凡事大家都用祝福嘅心去睇係最美好嘅。」(新聞連結: http://bit.ly/2kbN9xT )Moka本人就喺微博解釋咗,佢嘅小變化,就係過年瘦咗「好幾斤」(即係6磅幾?)咁啱,同大家「目測」嘅相反。城城郭富城咁啱噚晚11點半左右現身銅鑼灣小美工作室附近,同小美一齊準備離開。記者問城城究竟Moka有咩「小變化」呢?城城未有回應,不發一言,跳上佢架紅色波子離開。嗰架波子,同余文樂前晚用嚟載女友嘅一樣,都係PORSCHE 911 GT3 RS。但城城呢架係2010年以240萬購入,如果載女友,佢就會出動城之戰車——例如之前曾出動掛上車牌「SKY」嘅400萬林寶堅尼Huracán LP610-4辣跑接Moka。冇女嗰陣,或者平時工作,就用呢架波子。

採訪、攝影:吳耀輝、畢紹基 Moka噚日晒新相,話自己有少少變化…大家睇唔睇到?(微博圖片) 有人話覺得佢小腹微隆… (微博圖片)
Moka本人就咁講… 噚晚城城架戰車現身,但呢架唔係用嚟載女友嘅,只係平常代步。 城城同佢嘅小美人——小美成十一點幾先離開公司。
一臉疲態 尖叫啦。 因為只係代步,唔係陪女友,所以今日唔係出動戰車,用舊車就OK。
不發一言 默默離開
去年9月城城載Moka嗰架,係呢架成400萬嘅林寶堅尼Huracán LP610-4辣跑。(資料圖片)

來源 source: http://s.nextmedia.com
鍾意就快D Share啦!