認真有仙氣！
名媛恒生新抱何倍倩本月25日生日，獲老公送上一份窩心生日禮物，就是與老公拍拖歐遊三星期，兩人經已出發，遊歷了米蘭和巴塞隆拿，餘下旅程將會到摩納哥和巴黎。
何倍倩（Anina）與恒生銀行後人何乃斌結婚12年，她認為感情保鮮方法是事事以對方為先，她說：「我哋好少鬧交，時常為對方諗，佢乜都諗我先，我又乜都諗佢先。（問到老公如此有心思，會否給老公送多一個BB？）再生就嚇死我。」
她說是次難得放下三子女，真正享受二人世界，她開心地說：「第一次去巴塞隆拿好開心，因為果度嘅建築真係好靚，仲見到好多建築大師安東尼高迪（Antoni Gaudi）嘅作品，主要睇佢嘅設計已經好滿足。今次又食咗好多餐分子料理，其中一餐喺米蘭一間由廢棄工廠改建而成的餐廳食，好得意，工廠由藝術設計師從新包裝過，雖然喺廢置工廠入面食嘢，但入面好有藝術元素，其實好靚。」她說米蘭是她與老公當年結婚時度蜜月的地方，此行另一目的地，就是要重溫美食：「我地指定要去Bice餐廳，一定要去，其實係12年前度蜜月時去過，嚟親歐洲都好鍾意食呢間，每次嚟米蘭都會食番次，好似懷緬番以前。」
來源 source: http://hk.on.cc
|
鍾意就快D Share啦！
|
|
|
