鄧月平否認做小三 杜恒霖畀足5個好
「巨胸翠如」鄧月平（Larine）被本報踢爆與前拳王「風之子」杜恒霖（Bryan）暗撻，昨日更有人爆料指Larine做小三介入Bryan與老婆的婚姻！Larine受訪時否認做小三，並指與Bryan感情好，而Bryan處處維護Larine，指自己去年已離婚，講起Larine更冧爆連讚五聲「好」！
年僅19歲的「巨胸翠如」鄧月平被本報獨家踢爆已被私有化，與有「風之子」之稱的31歲前香港拳王杜恒霖擦出愛火，不但在紅磡築愛巢同居，更四出拍拖當街攬啜，公然卿卿我我，極度癡纏！昨日更有消息人士向本報爆料，直指Larine是第三者，介入Bryan和老婆Kit的婚姻，踢爆已經育有兩個囡囡的Bryan一早已對Larine嗒糖，搞到Kit忍無可忍提出離婚！
育有兩女
不過，女主角Larine就斷然否認是第三者，更稱Bryan已跟另一半分開一段時間：「我同佢係好朋友再多啲啲！（談戀愛？）大家談打拳多，佢好惡，但都係為我好！（你唔係第三者？）我唔係佢女朋友又何來第三者呢？就算係亦唔會係第三者！」知道Bryan已離婚的她指日後不會刻意在人前與男方避忌。提到被拍到與Bryan咀嘴，Larine說：「係咪拍拖、有冇咁嘅事都好，時間可證明。（咀喎？）總之我哋唔係拍拖！（照顧佢兩個囡囡？）作為好朋友，關心佢都係分內事。」
單身半年
至於男主角Bryan被問是否與Larine拍拖時，卻表現怕醜，未敢大膽公開表明兩人關係：「有啲友好關係囉！（係女朋友？）朋友。（有發展機會？）有都好正常啫！（影到佢上你屋企，同居？）唔係，有啲朋友上嚟玩，打邊爐，我哋係朋友，有啲曖昧囉！」更強調自己與Kit去年已經離婚，回復單身半年：「離婚唔關鄧月平事！」問他喜歡Larine樣靚還是身材正？他說：「好好，好好，心地好。」又指自己稍後進軍影壇，不想被人覺得借與Larine的戀情博宣傳。
文：影視組
|
鍾意就快D Share啦！
|
|
|
