祥嫂接受東網訪問，坦言冇理由主動打電話畀兆尊：「做人要講禮貌、講尊卑…裝支香問吓祥哥（圓圖）先！」
已故慈善伶王新馬師曾長子鄧兆尊今日出席ViuTV錄影，被問與母親祥嫂（洪金梅）近年可有無聯絡？兆尊指自己的電話號碼沒有更改，祥嫂可以隨時聯絡他，而他夾在胞妹小艾與祥嫂之間，其實很為難。
對此，祥嫂接受東網訪問時「神回」兆尊：「吓！咁我打畀佢咪一樣為難佢，我唔想佢難做，同埋我唔係佢個女，又唔係同佢平輩，點解要我搵佢呢？！做人要講禮貌、講尊卑喎！（兩母子唔打算再聯絡？）最好唔好搵，唔想佢難做，再講落去今晚我要裝支香問吓祥哥好唔好先，我都要徵求先夫嘅意見。」
稱讚人緣唔錯
對於鄧兆尊有意復出，祥嫂認為是好事：「後生遙遙，都要寄情於工作，有工作先會有助智慧嘅增長，有人搵佢係好事，呢個係佢之前拍戲積落嘅人緣，佢人緣確實唔錯。」
捐一千萬做慈善
談及兆尊指她跟黃夏蕙搞老人院是一單很好的生意，祥嫂即時作出澄清：「同兆尊講番清楚，我唔係搞生意，我只係畀一千萬黃夏蕙個慈善基金，等佢每個月可以攞十萬蚊用，佢用嚟搞老人院又好、起學校又好，都唔係我搞嘅，我只係畀筆錢去多謝一位陪咗我五十年嘅好朋友啫！」
大家畀啲鼓勵佢
祥嫂又話兆尊畢竟是慈善伶王的兒子，如今復出，作為媽媽亦希望大家對佢好啲：「希望大家畀啲鼓勵佢，正能量啲！」
來源 source: http://hk.on.cc
|
鍾意就快D Share啦！
|
|
|
