2017年3月17日 星期五

29歲利穎怡C奶 VS 43歲陳煒剝衫晒線 __,利穎怡,陳煒,

一個後生卜卜脆,一個熟女超級索!無綫熱播劇《與諜同謀》及《我瞞結婚了》成為全城熱話,皆因前者有相隔八年再度回歸無綫嘅羅嘉良坐陣,而後者就有「螢幕情侶」 ...


一個後生卜卜脆,一個熟女超級索!

無綫熱播劇《與諜同謀》及《我瞞結婚了》成為全城熱話,皆因前者有相隔八年再度回歸無綫嘅羅嘉良坐陣,而後者就有「螢幕情侶」洪永城同黃翠如,劇中佢哋飾演為事業瞞婚嘅小夫妻,親蜜鏡頭自然少不免,睇到翠如正印男友蕭正楠都「眼火爆」,話題十足!最近兩套劇仲大灑鹽花,派出29歲「東張女神」利穎怡惡鬥43歲「美魔女」陳煒,兩個靚女都博到盡性感上陣,睇到網友眼花撩亂、噴晒鼻血!

色誘楊潮凱

先講29歲嘅利穎怡,尋晚佢喺《與諜同謀》着上低胸短裙,谷盡34C澎湃上圍,加上一對白滑長腿,視覺上已經拎滿分!劇中講到佢色誘楊潮凱,先嚟一招「愛的抱抱」胸壓對方,並主動幫人寬衣解帶,最後仲使出終極招數,喺床上大擺誘人甫士挑逗對方,意識大膽!試問有個性感尤物喺床上等你,作為男士嘅你點頂先,梗係上相信大家都估到劇情點發展啦,咪就係兩人上演激烈床戰,完全突破電視嘅尺度,而鏡頭外嘅雄性動物睇到㷫合合,鼻血流到成地都係,仲話睇得唔夠喉,想繼續睇女神嘅性感演出喎!

陳煒博到盡

正所謂薑係愈老愈辣,43歲嘅陳煒為劇集去得更盡,就係喺鏡頭前換衫騷內衣。嘩!齋睇文字描述已經知勁性感,果然畫面亦同樣性感,正呀喂!前晚播出嘅《我瞞結婚了》,陳煒豁出去對住鏡頭剝衫,露出黑色馬甲內衣,咪以為包到實一實冇嘢睇,隨即陳煒烏一烏身,大晒深長事業線,之後仲企定定繼續換衫,弗爆身材任人睇,So sexy!唔少網友亦大讚陳煒今次終極性感,令人眼前一亮,仲話佢保養得宜,養眼程度絕對唔會輸蝕畀後生女!畀你揀,揀利穎怡定陳煒先?梗係兩個都揀

網民有話兒:

ZerXXXAu:我女神利穎怡好索好性感,流晒鼻血啦喂!

XXarNgXX:識揀一定兩個都揀晒,完。

SoChakHoXXX:陳煒真係冇得頂,無論身材定個樣都咁掂!

XXSONWONG:陳煒真係好正,忍唔住!!!




來源 source: http://hk.on.cc
鍾意就快D Share啦!