賣保險變夫妻
洗米嫂勁冧古天樂：佢靚仔過洗米華
【《蘋果》專訪】澳門「賭廳王」周焯華（洗米華）與太太洗米嫂陳慧玲的婚姻曾亮紅燈，上月終撤銷離婚。近月積極搞時裝生意的洗米嫂，日前接受本報專訪，自爆因賣保險而結識洗米華。洗米華自封「澳門古天樂」，原來洗米嫂早年已鍾情古天樂：「佢靚仔過洗米華。」
洗米嫂因老公洗米華而成新聞人物，作為「賭廳王」太太的她自言不懂賭錢。攝影：周樂恒
澳門「賭廳王」、太陽娛樂文化老闆周焯華因感情事爆紅港、澳兩地，令洗米嫂陳慧玲亦成新聞人物，她上月終肯撤銷離婚，令周家上下放下心頭大石。近日洗米嫂為與友人創立的時裝網站Ladycode，破例接受本報專訪，有傳她成為周太之前，曾是「澳門大家姐」，她即否認：「梗係唔係喇，我第一份工係做保險嘅，之後就識咗我先生，嗰時佢幫我買保險。之後生BB，冇特別做嘢，有同朋友夾份開時裝店，都係做咗幾年。」
洗米華因替洗米嫂買保險而結緣，繼而拍拖及結婚。資料圖片
洗米華上月在太陽城集團活動與古仔（左）同台。資料圖片
抗拒賭錢
作為「賭廳王」的另一半，洗米嫂自言不會賭錢，亦不會入賭場，麻雀、鬥地主等統統不曉，問到會否反對子女入賭場，她面有難色地回答：「我覺得最好唔好」對於老公洗米華的花名，曾有傳因他做過廚房，她親自解開謎團：「其實係因為好多年前有齣電視劇叫《城市故事》，當時梁思浩飾演嘅角色就係洗米華，叫叫吓就變咗佢花名啦。」
洗米華上月成功o氹掂老婆撤銷離婚，周家上下終放下心頭大石。
提到洗米華衣着、外形都與古天樂相似，更自封是「澳門古天樂」，問到覺得古仔還是洗米華英俊？她說：「我覺得古天樂靚仔啲，呢個係情意結嚟，細個睇佢嘅劇，佢已經係我偶像」對於老公被讚有星味，可以做藝人，她即笑了一下，並讚老公「OK靚仔」。
洗米嫂Heidi，之前曾被指是澳門大家姐
嫁了賭業大亨洗米華多年，洗米嫂卻從不賭錢
洗米嫂與她的書法老師李秋平教授
採訪：林妙萍、陳月媚
攝影：周樂恒
化妝、髮型：Cyrus Lee
場地提供：Beefbar Hong Kong
|
鍾意就快D Share啦！
|
|
|
