李施嬅忍唔住要摸一摸豹哥小腿。
今日係單立文（豹哥）58歲生日，真係睇唔出佢就快「登六」，仍然一副有心有力嘅樣。點解咁講？就係因為豹哥早前開生日P，一次過畀五條女「生擒」，講緊嘅就係佢老婆胡蓓蔚、好友胡杏兒、黃智雯、李施嬅及姚子羚。今日李施嬅將當日生日P盛況公開，見「胡說八道會」眾成員以豹妹打扮，然後豹哥就瞓咗喺眾女嘅美腿上……係咪好妒忌先？
李施嬅又喺微博留言：「最有型最靚仔最可愛最活潑最為食最忙碌最搞笑最受歡迎的豹哥，生日快樂！有我哋咁多女陪你，使搵小三？有排你煩」而最近同李施嬅傳緋聞嘅袁偉豪都有出席，不過大合照就坐到無雷公咁遠。另外，仲有陳展鵬、陳山聰、謝東閔及胡諾言等等，可見豹哥人緣係幾咁好，而出席朋友身上都有啲豹紋嘅裝飾，但惟獨豹哥就黑西裝打扮囉。
來源 source: http://hk.on.cc
|
鍾意就快D Share啦！
|
|
|
