大家覺得似爸爸定媽媽呢？
49歲的蘇永康升呢做爸爸，太太Anita為他誕下一子，今日蘇永康晒出囝囝的「真面目」，見他抱着兒子，慈父樣出晒嚟！他透露B仔星期日出世，重6.11磅，十分健康。蘇永康說：「感謝我嘅好朋友，好多禮物，好多朋友來探望。依家心情都係平伏，由頭到尾冇話好激動！」蘇永康老來得子，最開心的當然是蘇永康的媽媽！蘇永康續說：「嚴格上星期日開始未見過媽隻眼，笑到見牙唔見眼，因為係我哋家庭第一個孫！」
仔仔叫Jazz
B仔究竟似爸爸定媽媽（相信好多人都想知）？蘇永康笑言：「似我，就當然出現少少問題啦，好難講啦，長大之後，十幾年後，可能似我先係靚仔呢，潮流會變！」B仔改咩名？他說：「我媽話，你爸爸玩爵士音樂，點解唔叫Jazz。」蘇永康更笑言好友陳奕迅已經叫B仔做蘇爵士！Jazz好腳頭，收到不少禮物，有很多贊助商贊助，誇張到連奶樽機都有三部！蘇永康決定用囝囝的名義捐給慈善機構。
聽到爸爸把聲就唔喊
蘇永康前日黃昏陪太太入產房，一直拿着攝影機準備，他透露太太生產過程：「BB右腳出先，醫生要拖佢出來嚟。醫生叫我抱佢，我咪坐喺到唱歌畀佢聽，同佢按摩，佢可能喺肚度聽慣咗我把聲，一聽我把聲，佢就開始面色紅潤，血色開始運行。依家都係喎，佢肚餓喊，一聽我把聲，我過去抱佢，佢就唔喊，食飽就瞓，算係一個好乖bb。」
為仔仔捱多廿年
蘇永康自爆親自幫BB剪臍帶：「剪嘅時候，我都冇緊張，覺得自己好似拍妙手仁心咁，我仲一手拎電話 ，一隻手拎鉸剪，護士仲話，好多爸爸都要剪兩次先剪到，我一刀剪落去就搞掂，不過都係一個一世難忘經歷，唔會再有第二次啦。因為冇諗過生第二個架喇！都計後香燈咗啦。我四十有九啦，本來做多五年就歎住過人生，半退休也過日子啦，依家佢出咗嚟，我要延遲退休計劃，起碼做多二十年」
來源 source: http://hk.on.cc
|
鍾意就快D Share啦！
|
|
|