長和系今日放榜，長和（001）主席李嘉誠在記者會上多次暗示他對下一任特首的期望，他重覆兩次表示，新特首和中央的合作關係「睇得好重，好緊要」，他又指社會撕裂問題等人為問題，就像「女媧補天」可以克服。被問及兒子已表態支持林鄭，李嘉誠指如果以為他操控兒子投票，笑問記者「50歲你會唔會再聽你爸講嘢」，「咁諗係睇低我」。其後，李嘉誠首度在眾人、鏡頭面前哽咽，聲音沙咳重申：「我愛香港，希望再見到本地一直引以為傲的香港……」李嘉誠說畢有點眼紅、眼鏡起霧，哽咽斷續稱「今日香港……GDP……得返2%」，又指自己自40年代已到香港，認同自己是香港人，香港以往有活力，但今日只見大家顧住「炒樓、賺多啲、樓起高啲」，已經無理想。他又指，一人一票本來已經有，中央已經批准，不過被自己香港人拒絕，「邊個係禍手呀？好少人責備佢哋，我是就是，非就非，唔會是非不分」，再次重申，香港人需要新特首，同中央溝通、與他們合作無間，自己力量少，只是超過1100名選委之一，但問心無愧，又指如果有「男媧補天」一詞，不一定會說「女媧補天」。「香港未來呢5年，唔能夠再過返過去5年咁，我覺得好可惜。新特首同中央合作得好，呢個好緊要。」當被問到過去香港因為人為因素影響社會，出現撕裂情況，李嘉誠認為人為問題可以解決，自己持比較樂觀態度：「好似女媧補天咁，新特首同中央關係，合作關係，睇得好重，如果新特首肯研究，香港仲有好多機會。」他又強調，為香港提供新局：「好多時有奇蹟，我出年90歲，我1940年嚟香港，感情好深厚，唔想睇到香港變到樣樣嘢都麻煩，認真去做，同中央溝通特別好，我哋減少好少無謂的紛爭。」掌握財經生活資訊，即Like「蘋果ATM」fb專頁
http://fb.com/appledailyatm
|
鍾意就快D Share啦！
|
|
|