掃呢頁CODE去手機

2017年3月5日 星期日

【獨家】高海寧啪事後丸 楊明緊張摷垃圾搵盒 __,楊明,高海寧,

即係咁,摷垃圾呢件事……除非係唔見嘢,否則,大部份時間都被視為侵犯私隱乜乜乜;而個人認為,只係污糟咗啲。如果要去到喺眾目睽睽下當街摷垃圾桶係咩玩法呢? ...


即係咁,摷垃圾呢件事……除非係唔見嘢,否則,大部份時間都被視為侵犯私隱乜乜乜;而個人認為,只係污糟咗啲。如果要去到喺眾目睽睽下當街摷垃圾桶係咩玩法呢?前晚8點幾,楊明同高海寧(高Ling)現身北角城巿花園,見到咁齊腳,哦,原來係幫大台拍劇開工。首先係楊明拍先,劇情安排佢摷垃圾桶,當佢拎起垃圾桶頂部時,用咗少少力扔開個垃圾桶,然後狂摷垃圾,搵到個盒,影張相,咁就完咗。然後輪到高Ling,劇情安排佢喺藥房買藥,佢出咗藥房後飲咗啖水,啪埋粒藥,再掉個盒落垃圾桶,OK,收工。組織番成個故事,應該係高Ling買藥同食藥行先,然後楊明「跟蹤」到,再走去摷垃圾桶睇佢食咗乜嘢藥,再影低做證據。可能劇組冇申請到封街拍攝,所以沿途有好多人圍觀同狂影,場面好鬼熱鬧。喺楊明拍緊嗰陣,近排似乎係轉咗口味愛上攝影嘅高Ling就喺側邊左影影右影影,影吓楊明、影吓劇組人員,仲有影吓影佢嗰啲人;至於率先拍完嘅楊明,就係高Ling拍緊嗰陣行開去買嘢飲,好多途人都認得佢,差唔多有20、30人圍住佢,其中有人讚佢靚仔同高大,唔知係咪被人讚得多唔好意思,楊明個樣好似有啲緊張咁。高Ling方面,並唔係冇人讚嘅,只不過係因為佢黐住crew多,又勁多工作人員圍住佢,所以啲觀眾埋唔到佢身,令佢可以被讚嘅機會減少咗啫。

(攝影:吳耀輝、畢紹基) 楊明真係好落力咁摷垃圾 如獲至寶咁嘅款
未埋位嘅高Ling一路影影影 互影 連睇playback都機不離手
好多人圍觀 高Ling入藥房拍
楊明就閃去買嘢飲

來源 source: http://s.nextmedia.com
鍾意就快D Share啦!