熱爆娛樂: 【豪使都值得】四季酒店擺百日宴陳敏之着露肩裙修晒身 _

2017年3月31日星期五

【豪使都值得】四季酒店擺百日宴陳敏之着露肩裙修晒身 __,敏之,陳敏之,

長腿天后陳敏之，今晚喺四季酒店為囝囝雷子樂(乳名雷冬至)舉行百日宴，伍詠薇夫婦、郭晉安夫婦、黃宗澤同岑麗香等圈中好友都有嚟祝賀。現場放有唔少小朋友氣球，一邊又擺有馬騮頭造型嘅cup cake，似十足小朋友嘅繽紛嘉年華。現場所見，着住露肩裙嘅敏之，幾乎修晒身，抱住囝囝接受訪問時，敏之囝囝仲識望住鏡頭微笑，樣子得意。敏之透露今晚會擺22圍，問到使唔使花7位數字，陳敏之就話唔使，佢話：「其實就算貴都OK、值得嘅，我結婚都冇擺酒，當時係旅行結婚。今次幫仔仔搞百日宴，我覺得自己實在太愛佢喇。今次借啲意，俾大人玩下，自己都好耐冇扮過靚。今次有啲dress up，自己都將一身服裝send咗俾朋友，希望大家扮靚啲咁嚟啦。嚟到盡情玩，盡情食，開party咁。」除咗酒席之外，敏之透露身上衣服都係設計師sponsor嘅，顏色代表住新生命誕生，好感恩咁多人錫佢個BB。

(攝影：沈健程)	敏之話好耐冇扮靚過，今次順便當大人聚吓。	生完冇耐嘅敏之，幾乎修晒身。
敏之對住囝囝好肉緊。	現場放有馬騮氣球。
	十足嘉年華一樣。