現年34歲、喺2000年參選港姐嘅陳思齊（原名：陳凱怡），當年被視為大熱門，不過最後大熱倒灶，五甲不入，佢其後入咗娛樂圈拍劇，先後拍過《皆大歡喜》、《 ...
現年34歲、喺2000年參選港姐嘅陳思齊（原名：陳凱怡），當年被視為大熱門，不過最後大熱倒灶，五甲不入，佢其後入咗娛樂圈拍劇，先後拍過《皆大歡喜》、《足秤老婆八両夫》、《學警雄心》、《我的野蠻奶奶》、《法證先鋒》、《神探高倫布》和《巨輪》等，雖然唔算係第一女主角，但係戲份都好有發揮，佔戲亦相當重。直到13年，陳思齊撞正「雙失」時期——同無綫約滿，結束12年賓主關係，同年亦同拍拖多年嘅男友分手。冇幾耐陳思齊轉投港視，但係因為港視發牌夢碎，拍咗幾套劇又停咗落嚟，之後陳思齊喺前年出席活動時透露同朋友投資咗幾十萬，喺尖沙嘴咀開咗間身心靈治療中心，佢仲會落手落腳幫客人按摩，有穴位、香薰等唔同嘅療程。雖然陳思齊淡出幕前，不過原來仲有觀眾認得佢，噚日《蘋果》讀者梁先生經「爆相爆片」，話喺尖沙嘴見到陳思齊，當時陳思齊同一名女友人喺餐廳見面，梁先生話隱約聽到佢哋傾買樓嘅事：「我聽到佢本來想買南昌站嘅細單位，不過已經去到2萬蚊一呎，真係好難買到！之後仲聽到佢哋講以前做演員嘅工作，坐咗一陣佢哋就埋單走人！」相中陳思齊蓄短髮，戴副圓形眼鏡，睇相見到佢keep得幾好。事後《蘋果》搵到陳思齊，問佢係咪諗住買樓，佢笑笑口話：「哈哈，我冇拍嘢咁耐，估唔到仲有人認得我喎！因為之前要考試，太耐冇見啲朋友，嗰個女仔係蕭凱欣，以前都有拍戲，咪傾吓啲癈話啫！我有啲朋友做地產，南昌站啱啱開賣，佢哋叫我睇吓，但係o依家啲樓咁貴，點買得起呀！之前開舖頭都投資咗好多錢，o依家啲樓價又好貴，等我儲吓錢先啦。」陳思齊仲好搞笑話：「我又唔係好識搵男朋友，o依家冇人要，賣剩蔗，又唔識釣金龜，屋企由細到大教我要靠自己，有機會梗係想買，但係談何容易？」至於係咪真係退出唔拍戲，陳思齊就話：「暫時啦，我冇刻意安排，我o依家又處於一個唔知自己想拍乜嘢嘅尷尬時期，只不過突然間對第二啲嘢有興趣，所以咪試吓，有啱嘅都會考慮吓，但就未有新方向，休息一吓囉！」
《蘋果》第十二屆金話梅電影選舉（Golden Plum）又嚟喇!由今日起，請在以下網址（http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。
