我要我嘅肚仔～每日變Fit啲～～～
台灣天王周杰倫（周董）喺今年情人節高調宣布老婆昆凌佗B仔，上載昆凌肚凸凸合照晒幸福，之後二人仲去埋歐遊㖭。雖然二人繼續玩神秘唔講懷孕幾多個月，不過佢哋就好大方，見到網友都任影唔嬲，又唔遮大肚，簡直係網友福利。
隔咗兩個月，今日就有大陸媒體指有粉絲上載咗幾張同周氏夫婦嘅合照，照片中昆凌素顏上陣，仲着埋貼身白色上衣，下襯通風漁網絲襪配短裙仔，四肢非常纖細，成個Look Young到爆，上圍比以前更加突出，成個立體感勁有效果，不過佢個肚就離奇失蹤啵……咦……計落佢依家應該個肚係愈來愈大先係，但係點解………睇埋網友嘅留言：「夫妻巡店....」一啲線索都冇，到底昆凌個B去咗邊？
有網友就懷疑張合照其實係昆凌懷孕前影嘅，而非新相，所以冇肚都好合理，另外又有網友講笑指昆凌其實已經生咗B，今次真係要等當事人開估喇！！
來源 source: http://hk.on.cc
|
鍾意就快D Share啦！
|
|
|