成日話香港嘅女士輸畀台灣同內地嘅女士，但睇完以下嘅片段，大家可能都會改觀 ！MyTV super fb專頁上載咗一段，由江嘉敏、白雲同于淼分別扮演香港、上海、台灣少女嘅片段，佢哋仲喺尖沙咀街頭即場搵咗三位男士，測試一吓邊度嘅女仔最吸引，結果三位男士都揀咗香港代表江嘉敏，至於網民就留言話台灣代表于淼先係最吸引，唔知你又點揀呢？
江嘉敏電力十足
先嚟第一回合，三位美女喺尖沙咀街路出動，搵嚟三個港男代表，分別係「嫩口男」、「成熟男」同「牛仔衫男」，三位美女話要幫佢哋打呔，展現自己溫柔嘅一面喎！首先出場嘅係文青女神江嘉敏，佢有啲「論盡」咁將條呔綁喺自己身上，之後再帶喺男士身上，你睇下「嫩口男」笑得幾開心，就知江嘉敏嘅電力都有番咁上下，至於另外兩位男士都好似有啲尷尷尬尬，但都大讚江嘉敏打呔有技術！
白雲勁有理Big力！
輪到35E白雲上場，佢着住一條低胸、側空黃色連身裙，露出半個波邊加黑色Nu bra，含情默默咁望住「嫩口男」，「嫩口男」即刻視線向上移，氣都唔敢透，可想而知白雲幾咁有「壓迫力」，打完呔之後，「嫩口男」嘅評價係「太長！」以為「嫩口男」太後生，唔夠定力，點知「成熟男」一樣出事，佢仲忍唔住口震震咁話：「實在太好喇！」點知江嘉敏突然大嗌「好短呀！」嚇到「成熟男」反問佢「邊度先？」講緊條呔呀，一時長一時短，睇嚟做咗人妻嘅白雲，打呔嘅功力有待加強！
于淼玩後上
好喇！一直未出手嘅于淼，去到呢個moment要爆喇！佢從後攬住三位男士，幫佢哋打呔，每位男士都臉都紅埋，「成熟男」仲話全身都硬晒喎！去到最後三位男士要揀一個做老婆，三位竟然都不約而同揀咗港代表江嘉敏，唔通識打呔真係咁重要！
網民有話兒
Ahxxxxxn 淼淼😂溫柔殺死男人
Kaxxxxxxan 嘉敏~~ ❤️❤️😍😍 最正
Kexxxxxxxg 都係于淼最嗲😙
Aixxxxxxh白雲不得了
Dexxxxxxy我要淼淼
|
鍾意就快D Share啦！
|
|
|
